अंतिम निर्णय होईपर्यंत पार्किंग केलेल्या वाहनांवर कारवाईला ब्रेक.

अंतिम निर्णय होईपर्यंत पार्किंग केलेल्या वाहनांवर कारवाईला ब्रेक.

सिनेमा व्यापार्‍यांचा प्रश्र्न उपमुख्यमंत्र्यांच्या कोर्टात : व्यापारी दिलादायक निर्णयाच्या अपेक्षित

बारामती: बारामती शहरातील सिनेमा रस्त्यावर दुचाकी व चारचाकी पार्किंग संदर्भात व्यापा-यांच्या भावना उपमुख्यमंत्री अजित पवार यांच्यासमोर ठेवल्या जातील. या संदर्भात व्यापा-यांना दिलासा देणाराच निर्णय घेतला जाईल, जोपर्यंत अंतिम निर्णय होत नाही, तोपर्यंत या रस्त्यावरील वाहनांवर तूर्त कारवाई केली जाणार नाही, असा तोडगा आज नगरपालिकेत झालेल्या बैठकीत निघाला.

या बैठकीस नगराध्यक्षा पौर्णिमा तावरे, गटनेते सचिन सातव, मुख्याधिकारी योगेश कडुसकर, माजी नगराध्यक्ष जवाहर वाघोलीकर, नगरसेवक संजय संघवी, विरोधी पक्षनेते, सुनील सस्ते, विष्णुपंत चौधर यांच्यासह पोलिस निरीक्षक धन्यकुमार गोडसे, व्यापारी महासंघाचे अध्यक्ष नरेंद्र गुजराथी व इतर व्यापारी उपस्थित होते.

सिनेमा रस्त्यावर भिगवण चौक ते इंदापूर चौकादरम्यान चार चाकी व दुचाकी वाहने पार्क करु देण्यास वाहतूक आराखड्यात विरोध दर्शविण्यात आला आहे. त्याऐवजी पर्यायी वाहनतळांवर वाहने पार्क करण्याबाबत सूचना करण्यात आल्या आहेत.

असा निर्णय झाल्यास या रस्त्यावरील व्यापा-यांकडे ग्राहक फिरकरणारच नाहीत, अगोदरच अडचणीत आलेले व्यापारी आणखी अडचणीत येतील, अशी व्यापा-यांची भावना होती.

या संदर्भात अजित पवार जेव्हा बारामतीत येतील, तेव्हा त्यांना याबाबत माहिती दिली जाईल व योग्य तो निर्णय घेतला जाईल, अशी ग्वाही सचिन सातव यांनी दिली.