स्थानिक

एका ‘सर्किट’ न केला रुग्णांचा जीव वाचवण्याचा  जुगाड! बारामतीत यशस्वी प्रयोग

बारामतीतील आरोग्य हॉस्पिटलमध्ये झाले असून, यानंतर सिल्व्हर ज्युबिली शासकीय उपजिल्हा रुग्णालयात देखील हा प्रयोग करण्यात आला आहे.

एका ‘सर्किट’ न केला रुग्णांचा जीव वाचवण्याचा  जुगाड! बारामतीत यशस्वी प्रयोग

बारामतीतील आरोग्य हॉस्पिटलमध्ये झाले असून, यानंतर सिल्व्हर ज्युबिली शासकीय उपजिल्हा रुग्णालयात देखील हा प्रयोग करण्यात आला आहे.

बारामती वार्तापत्र

बारामती दिवसेंदिवस वाढत चाललेल्या कोरोनाच्या रुग्णांची संख्या आणि ऑक्सिजन आणि व्हेंटिलेटर बेडची मर्यादित संख्या व्यस्त प्रमाण यावर मात करण्यासाठी बारामतीतील डॉक्टरांनी जुगाड शोधले आहेे. भूलतज्ञ डॉ. सुजित अडसूळ शस्त्रक्रियेच्या वेळी जे बिन सर्किट वापरतात, त्याच बिन सर्किट चा वापर करून कमीत कमी ऑक्सिजन मध्ये रुग्णाची ऑक्सिजनची मात्रा सुस्थिर ठेवण्याचा प्रयत्न या छोट्याशा उपकरणाद्वारे करण्यात आला आहे.

बारामतीतील आरोग्य हॉस्पिटल चे प्रमुख डॉक्टर राहुल जाधव, भूलतज्ञ डॉ. सुजित अडसूळ यांना ऑक्सिजनच्या तुटवड्याच्या काळात अचानक या प्रयोगाची संकल्पना सुचली आणि हा प्रयोग सहजपणे अस्तित्वात आला.

ऑक्सिजनच्या तुटवड्याच्या काळात केलेल्या या अभिनव प्रयोगामुळे कोरोना रुग्णांचा ‘श्वास’ वाढवण्यासाठी मोलाची मदत झाली आहे. शस्त्रक्रियेवेळी भूलशास्त्रात रुग्णांना भूल देण्याकरिता बेन सर्किटचा (bain circuit) वापर केला जातो. साधारणपणे दीड हजार ते दोन हजार रुपये किमतीच्या या उपकरणाने ऐन संकटाच्या काळात कोरोना रुग्णांना दिलासा मिळू शकतो हे या प्रयोगाने दाखवून दिले आहे.

याची सुरुवात बारामतीतील आरोग्य हॉस्पिटलमध्ये झाले असून, यानंतर सिल्व्हर ज्युबिली शासकीय उपजिल्हा रुग्णालयात देखील हा प्रयोग करण्यात आला आहे. वास्तविक पाहता सध्या सगळीकडे ऑक्सीजन बेड, ऑक्सिजनचा पुरवठा व व्हेंटिलेटर यासंदर्भातील रुग्णांच्या नातेवाईकांची मागणी सातत्याने होत आहे.

पर्यायाने मर्यादित उपकरणामुळे रुग्णांच्या नातेवाइकांची धावपळ होताना दिसते. संपूर्ण महाराष्ट्रात नव्हे, तर देशात ही हेच चित्र आहे. या पार्श्वभूमीवर आरोग्य क्षेत्रात उपलब्ध असलेल्या उपकरणांच्या मदतीने वेगवेगळ्या प्रकारे रूग्णांवर यशस्वीरित्या उपचार करण्याचा फंडा डॉक्टरांनी शोधला आहे.ऑक्सीजनचा तुटवडा असण्याच्या काळात व्हेंटिलेटरपेक्षा कमी ऑक्सीजन वापरून तेवढ्याच ऑक्सिजनमध्ये व्हेंटिलेटर प्रमाणेच ऑक्सिजनची मात्रा वाढविण्याचे काम हे उपकरण करू शकते. याची कल्पना आल्याने डॉ. जाधव यांनी या उपकरणाचा वापर करून पाहिला आणि त्याचे परिणाम देखील चांगले मिळत गेले. गेल्या एक ते दीड आठवड्यापासून आरोग्य हॉस्पिटलमध्ये याचे प्रयोग केले जात होते. हे उपकरण सुरू केल्यानंतर रुग्णाचा 80 ते 85 पर्यंत असणारा ऑक्सिजन 90 ते 95 पर्यंत वाढतो हे त्यातून दिसून आले. बारामतीमध्ये केलेला हा प्रयोग म्हणजे ऑक्सिजनच्या कमी मात्रेमध्ये रुग्णांची योग्य ऑक्सिजन मात्रा ठेवण्याचा यशस्वी प्रयत्न यातून साध्य झाला आहे.

Related Articles

Leave a Reply

Your email address will not be published. Required fields are marked *

Back to top button
error: Content is protected !!