वाहन मालकांनी ना हरकत प्रमाणपत्राची सत्यता पडताळावी

वाहन मालकांनी ना हरकत प्रमाणपत्राची सत्यता पडताळावी

असे आवाहन उपप्रादेशिक परिवहन अधिकारी नंदकुमार पाटील यांनी केले

बारामती वार्तापत्र

 वाहनावरील कर्जबोज्याची नोंद उतरविताना वित्तदात्याकडून वाहनमालकास नमुना क्र.35 व ना हरकत प्रमाणपत्र देण्यात येते. परंतु अशा प्रकारे वित्तदात्याकडून जारी केले जाणारे नमुना क्र. 35 व ना-हरकत प्रमाणपत्र हे बनावट असल्याचे काही प्रकरणात निदर्शनास आले आहे.

 त्यामुळे वाहन मालकांना उप प्रादेशिक परिवहन कार्यालयाच्या mh42hptr@gmail.com या ईमेल आयडीवरून सत्यता पडताळणीसाठी ईमेल केला जाईल. या ईमेलला 7 दिवसात उत्तार द्यावे. मुदतीत उत्तवर न आल्यास सादर केलेले नमुना क्र. 35 व ना-हरकत प्रमाणपत्र हे वाहनमालकाकडूनच जारी झाल्याचे समजण्यात येईल व वाहनावरील कर्जबोज्याची नोंद उतरविण्यात येईल.

सर्व वाहन मालकांनी ना हरकत प्रमाणपत्राची पडताळणी ईमेलवर करावी, असे आवाहन उपप्रादेशिक परिवहन अधिकारी नंदकुमार पाटील यांनी केले आहे.