क्राईम रिपोर्ट

कोविड काळात अधिक दराने ऑक्सिजन सिलेंडरची विक्री करणाऱ्या दौंड तालुक्यातील दोन जणांवर गुन्हा दाखल

या प्रकरणी अन्न आणि औषध प्रशासन विभागाचे निरीक्षक विजय विठ्ठल नांगरे यांनी फिर्याद दिली आहे.

कोविड काळात अधिक दराने ऑक्सिजन सिलेंडरची विक्री करणाऱ्या दौंड तालुक्यातील दोन जणांवर गुन्हा दाखल

या प्रकरणी अन्न आणि औषध प्रशासन विभागाचे निरीक्षक विजय विठ्ठल नांगरे यांनी फिर्याद दिली आहे.

दौंड; बारामती वार्तापत्र 

दौंड पोलीस स्टेशनमध्ये एकावर गुन्हा दाखल
याबाबत मिळालेल्या माहितीनुसार, अन्न आणि औषध प्रशासनाचे दौंड, बारामती, पुरंदर, इंदापूर या तालुक्यांचे औषध निरीक्षक या पदावर कार्यरत असलेले विजय विठ्ठल नांगरे यांनी दौंड येथील श्रीनाथ इंटरप्रायजेस शाॅप नं. 8 गजानन सोसायटी यांच्याकडील मेडीकल ऑक्सिजन भरलेला सिलेंडरचा खरेदी व विक्री अभिलेखा पडताळला असता सदर वितरकाने रूग्णालयांना जास्त किंमत आकारून विक्री केल्याचे आढळून आले आहे. याबाबत सचिन गोपाळराव चांदेकर यांच्यावर गुन्हा दाखल करण्यात आला आहे. कोविड काळात ऑक्सिजन सिलेंडरची चढ्या दराने विक्री केल्याबाबत अन्न आणि औषध प्रशासनाचे निरीक्षक विजय विठ्ठल नांगरे यांनी दौंड पोलीस स्टेशन येथे फिर्याद दिली आहे.

यवत पोलीस स्टेशन येथे एकावर गुन्हा दाखल
दौंड तालुक्यातील पाटस येथील नागेश्वर गॅस सप्लायर्स अन्न व औषध प्रशासनाचे निरीक्षकांनी पाटस येथील नागेश्वर गॅस सप्लायर्स या वितरकाकडील मेडिकल ऑक्सिजन सिलेंडर खरेदी – विक्रीचा अभिलेखा पडताळला असता , सदर वितरकाने जास्त किमतीने मेडिकल ऑक्सिजन सिलेंडरची हॉस्पिटल्सना विक्री केल्याचे आढळून आले. तसेच सदर वितरकाकडे अन्न व औषध प्रशासनाचा परवाना (नमुना बी) नसताना विक्री करत असल्याचे आढळून आले आहे. नागेश्वर नागेश्वर गॅस सप्लायर्सचे मालक नवनाथ महादेव बिनवडे (रा. तामखडा, पाटस) यांच्यावर कोविड काळात शासनाच्या आदेशाचे उल्लंघन केल्यावरून यवत पोलीस स्टेशनला गुन्हा दाखल करण्यात आला आहे. याबाबत अन्न व औषध प्रशासनाचे निरीक्षक विजय विठ्ठल नांगरे यांनी फिर्याद दिली आहे.

Related Articles

Leave a Reply

Your email address will not be published. Required fields are marked *

Back to top button
error: Content is protected !!