डोर्लेवाडी प्राथमिक आरोग्य केंद्रातील वैद्यकीय अधिकाऱ्यांची सेवा उल्लेखनीय..

डोर्लेवाडी प्राथमिक आरोग्य केंद्रातील वैद्यकीय अधिकाऱ्यांची सेवा उल्लेखनीय..

वैद्यकीय अधिकाऱ्यांच्या चांगल्या सेवेमुळे रुग्णांन दिलासा

बारामती वार्तापत्र

बारामती तालुक्यातील डोर्लेवाडी प्राथमिक आरोग्य केंद्र हे तालुक्यात उल्लेखनीय काम करत आहे. याठिकाणी पती-पत्नी म्हणून कार्यरत असलेले डॉ. वैशाली देवकाते-दडस आणि डॉ.बापूराव दडस हे वैद्यकीय अधिकारी हे शासनाच्या नियमानुसार मुख्यालयातील सरकारी निवासस्थानी राहून रात्रंदिवस नागरिकांच्या सेवेसाठी २४ तास उपलब्ध असल्याने डोर्लेवाडी परिसरातील नागरिकांना वेळेत उपचार देत आहेत.

यामुळे डोर्लेवाडी आणि परिसरातील नागरिकांकडून समाधान व्यक्त होत आहे. त्यांनी कोरोनाच्या काळात आलेल्या रुग्णांना चांगली सेवा देण्याचे काम केल्याने त्यांना कामाची पावती म्हणून झारगडवाडी, सोनगांव, मेखळी, गुणवडी, मळद ग्रामपंचायतने प्रशस्ती पत्रक देऊन त्यांचा गौरव केला आहे.

कोरोना काळाच्या पूर्वी या आरोग्य केंद्रामध्ये दर महिन्याला १५ ते २० महिलांच्या प्रसूती करण्याचे काम, तसेच कुटुंब कल्याण शस्त्रक्रिया, कोविड निदान, कोविड लसीकरण येथील वैद्यकीय अधिकाऱ्यांनी चांगल्या प्रकारे केले आहे. याच प्राथमिक आरोग्य केंद्रात ते त्यांच्या सेवेच्या अगोदर फार कमी प्रमाणात ओपीडी चालत होती. मात्र हे दोघे वैद्यकीय अधिकारी आल्यानंतर या प्राथमिक आरोग्य केंद्राचे स्वरूपच पालटून गेले आहे. हया दोघांनी ग्रामपंचायत आणि नागरिकांच्या मदतीने आरोग्य केंद्राच्या आवारात वृक्षारोपण करीत स्वछता ठेवली आहे. रुग्णांना चांगल्या प्रकारची सेवा दिल्याने या ठिकाणच्या आरोग्य केंद्रातील ओपीडी मध्ये मोठ्या प्रमाणात वाढ झाली आहे. येथील वैद्यकीय अधिकाऱ्यांच्या चांगल्या सेवेमुळे रुग्णांन दिलासा मिळाला असल्याचे झारगडवाडी चे सरपंच नितीन शेंडगे यांनी सांगितले आहे.