नगरसेवक परिषद मुंबई, महाराष्ट्र संघटनेच्या पुणे जिल्हा महिला उपाध्यक्षपदी नगरसेविका राजश्री मखरे यांची निवड

नगरसेवक परिषद मुंबई, महाराष्ट्र संघटनेच्या पुणे जिल्हा महिला उपाध्यक्षपदी नगरसेविका राजश्री मखरे यांची निवड

जिल्हाध्यक्षा अँड.अरुणा डहाळे यांनी दिले निवडीचे पत्र

इंदापूर-प्रतिनिधी
नगरसेवक परिषद, मुंबई, महाराष्ट्र या राज्य पातळीवर काम करणाऱ्या संस्थेच्या पुणे जिल्हा महिला उपाध्यक्ष पदी इंदापूर नगरपालिकेच्या विद्यमान नगरसेविका तथा महिला विकास व बालकल्याण समिती सभापती सौ. राजश्री अशोक मखरे यांची निवड झाली आहे.

या संस्थेचे संस्थापक अध्यक्ष राम जगदाळे पाटील व राज्य सरचिटणीस कैलास गोरे पाटिल, पुणे जिल्हा महिला अध्यक्षा अँड. अरुणा डहाळे यांनी निवडीचे प्रमाणपत्र देवुन त्यांचे संघटनेत स्वागत केले.

राज्यातील सर्व नगरसेवकांचा एकमेकांशी परिचय व्हावा. त्या त्या भागातील प्रश्नांना राज्य पातळीवर वाचा फोडता यावी तसेच शहरांच्या विकासाला चालना मिळावी या अनुषंगाने नगरसेवक परिषद या संघटनेची स्थापना झाली आहे.

इंदापूर नगरपालिकेच्या धडाडीच्या, कार्यक्षम व निष्ठावंत नगरसेविका सौ. राजश्री मखरे यांची पुणे जिल्हा महिला उपाध्यक्ष पदी निवड झाल्यामुळे शहरातील प्रलंबित विकास योजना व इतर अनेक नगरपालिकेच्या संदर्भातील कामांना बळकटी मिळणार आहे.सौ.मखरे या महिला बचत गट तसेच महिला सबलीकरणासाठी काम करत आहेत. त्या नेहमी सामाजिक तसेच सांस्कृतिक क्षेत्रात अग्रेसर असतात.

या संघटनेच्या जिल्हा उपाध्यक्षपदी निवड झाल्याबद्दल त्यांचे सर्वच क्षेत्रातून अभिनंदन होत आहे.