पुणे विद्यापीठ आणि इतर कॉलेजच्या पदवीच्या बनावट मार्कलिस्ट नीरा येथील समीक्षा प्रिंटिंग प्रेस आणि सर्टिफिकेट तयार करून विकणारी टोळी जेरबंद
स्थानिक गुन्हे शाखा पुणे ग्रामीण यांची धडाकेबाज कामगिरी

पुणे विद्यापीठ आणि इतर कॉलेजच्या पदवीच्या बनावट मार्कलिस्ट नीरा येथील समीक्षा प्रिंटिंग प्रेस आणि सर्टिफिकेट तयार करून विकणारी टोळी जेरबंद
स्थानिक गुन्हे शाखा पुणे ग्रामीण यांची धडाकेबाज कामगिरी
क्राईम; बारामती वार्तापत्र
मा.डॉ.अभिनव देशमुख, पोलीस अधीक्षक सो. यांनी पुणे जिल्ह्यामध्ये गोपनीय माहिती काढून अवैधरित्या चालणाऱ्या कृतींवर कारवाई बाबत सूचित केले होते.
त्यानुसार सपोनि संदिप येळे यांना गोपनीय माहिती मिळाली की, सावित्रीबाई फुले पुणे विद्यापीठ, तसेच इतर कॉलेजेस च्या नावाने दिल्या जाणाऱ्या पदवीच्या मार्कलिस्ट आणि सर्टिफिकेट हे नीरा या ठिकाणी बनावट रित्या तयार करून ते लोकांना विकले जातात आणि त्याचा वापर केला जातो.
अशा मिळालेल्या माहितीच्या आधारे पुणे विद्यापीठाचे स्टाफला नमूद प्रकरणाची शहानिशा करण्यास घेऊन त्यांच्याद्वारे तपासणी करून नीरा येथील समीक्षा प्रिंटिंग प्रेस येथे धाड टाकून तेथे बनावट प्रमाणपत्रे बनवीत असल्याची खात्री झाल्याने तेथील बनावटी करणाचे साहित्य व बनावट प्रमाणपत्र जप्त करण्यात आले आहे. त्या बाबत जेजुरी पोलीस स्टेशन येथे गुन्हा दाखल करण्यात आला असून या प्रकरणी आरोपी नामे
१) गणेश संपत जावळे, रा.नीरा, २) मनोज धुमाळ, रा.नीरा
३) वैभव लोणकर, रा.बारामती यांना अटक करण्यात आली आहे. नमूद गुन्ह्याचा तपास जेजुरी पोलीस स्टेशनचे पोसई गावडे हे करीत आहेत.
सदरची कामगिरी ही मा.डॉ.अभिनव देशमुख, पोलीस अधीक्षक सो, अप्पर पोलीस अधीक्षक बारामती विभाग श्री.मिलिंद मोहीते यांच्या मार्गदर्शनाखाली पोलीस निरीक्षक श्री.अशोक शेळके, सहा पो निरीक्षक संदिप येळे, पो हवा रविराज कोकरे, पो.हवा अनिल काळे, पो.हवा सचिन घाडगे, पो.ना गुरू जाधव, पो.ना अभिजित एकशिंगे, पो.ना स्वप्नील अहिवळे, पो.ना अजय घुले, पो.ना राजू मोमीन, पो.कॉ प्रसन्ना घाडगे यांनी केली.