बारामतीत आढळला अर्धवट जळालेल्या अवस्थेतील मृतदेह
अर्धवट जळालेल्या मृतदेहाची ओळख पटली.
बारामती वार्तापत्र क्राईम रिपोर्ट
मेखळी तालुका बारामती येथील बरकडवाडी येथे एका पुरुषाचा अर्धवट जळालेल्या अवस्थेतील मृतदेह स्मशान भूमी मध्येआढळून आला होता .त्यामुळे परिसरात हा नक्की प्रकार काय याविषयी वेगवेगळ्या चर्चांना ऊत आला होता. बारामती पोलिसांनी घटनास्थळी भेट दिली होती.अंदाजे 40 वर्ष वयाच्या पुरुषाचा मृतदेह तो होता . पोलिसांनी मयताच्या नातेवाइकांचा शोध घेऊन मृतदेहाचीओळख पटविण्यात पोलीसांना यश आले.
मेखळी ता. बारामती येथील दादा पांडुरंग भिसे वय 48 या इसमाचा हा मृतदेह असल्याचे पोलीस तपासात पुढे आले आहे.सदरच्या व्यक्तीने दारूच्या व्यसनातूनच ही आत्महत्या केली असल्याचे पोलिसांचा संशय असल्याचे निदर्शनास आले आहे. याविषयीचा पुढील तपास पीएसआय मोहिते करीत आहेत.
बरकडवाडीचे पोलीस पाटील ,सुभाष भोसले यांनी याविषयी पोलिसांना माहिती दिली होती. त्यावरुन पोलिसांनी वेगाने चक्रे फिरवत तपास चालू ठेवला आहे.
