बारामती तालुक्यातील पणदरे संतापजनक घटना;हॉटेलमध्ये काम देण्याच्या नावाखाली डांबून ठेवून महिलेवर सातत्याने लैंगिक अत्याचार

बारामती तालुक्यातील पणदरे संतापजनक घटना;हॉटेलमध्ये काम देण्याच्या नावाखाली डांबून ठेवून महिलेवर सातत्याने लैंगिक अत्याचार

खुनाची धमकी

बारामती वार्तापत्र 

बारामती तालुका हादरवणारी संतापजनक घटना पुणे जिल्ह्यातील बारामती तालुक्यातील पणदरे येथे घडली आहे. एका परप्रांतीय महिलेवर लैंगिक अत्याचार करून तिला एका पत्राच्या खोलीत डांबून ठेवण्यात आले होते. याप्रकरणी पोपट धनसिंग खामगळ (वय २५ रा. खामगळवाडी, ता. बारामती ) याच्यावर गुन्हा दाखल करण्यात आला आहे.

मिळालेल्या माहितीनुसार, आरोपी खामगळ याचा पणदरे गावात हॉटेल व्यवसाय आहे. नौकरी देण्याच्या बहाण्याने त्याने सदर महिलेला पणदरे येथे घेऊन आला होता. ३ जानेवारी रोजी महिला पत्र्याच्या शेडमध्ये झोपली असताना तिच्यावर लैंगिक अत्याचार केला. या प्रकाराबाबात कोणाला काही सांगितले तर तुझा खून करील, अशी धमकी दिली होती.

या घटनेची गांभीर्य लक्षात घेऊन पोलिसांनी मिळालेल्या माहितीच्या आधारे सदर ठिकाणी पाहणी केली असता परप्रांतीय महिला शेडमध्ये आढळून आली. तिने पोलिसांना तिच्यासोबत घडलेला संपूर्ण घटना सांगितली.

तसेच पोलिसांनी तिच्याकडे अधिक चौकशी केली असता पुण्यातील एका मैत्रीणीकडून आरोपी पोपट खामगळ याच्या सोबत ओळख झाल्याची सांगितले. सदरची कारवाई पुणे ग्रामीणचे पोलीस अधीक्षक

पंकज देशमुख, अपर पोलीस अधीक्षक गणेश बिरादार, उपविभागीय पोलीस अधिकारी सुदर्शन राठोड यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, माळेगाव पोलीस ठाण्याचे सहायक पोलीस निरीक्षक सचिन लोखंडे, एलआयबीचे कुलदीप संकपाळ, पोलीस उपनिरीक्षक संध्याराणी देशमुख, देवा साळवे, पोलीस अंमलदार अभिजित एकशिंगे, स्वप्निल अहिवळे, राहुल पांढरे, विजय वाघमोडे, ज्ञानेश्वर मोरे, अर्चना बनसोडे, गोदावरी केंद्र यांनी केली आहे़ माळेगाव पोलीस ठाण्याचे पोलीस उपनिरीक्षक खटावकर पुढील तपास करीत आहेत.

आरोपीला न्यायालयात हजर करून पोलीस कोठडी घेऊन पुढील तपास पोलीस करीत आहेत.

फोनवरून दिली माहिती

दरम्यान, ११ जानेवारी रोजी खुनाची धमकी देऊन आरोपीने पीडित महिलेला मारहाण करत जबरदस्तीने लैंगिक अत्याचार केला. तसेच हॉटेल कामासाठी आलेल्या जोडप्यातील महिलेला संबंध ठेवण्यास तयार कर, असे सदर पीडित महिलेला सांगितले. मात्र, पीडित महिलेने त्याची मागणी पूर्ण न केल्याने पुन्हा महिलेला मारहाण करून पत्र्याच्या खोलीत जबरदस्तीने डांबून तिच्यावर लैंगिक अत्याचार केला. पीडित महिलेने हॉटेल कामासाठी आलेल्या जोडप्यातील महिलेच्या फोनवरून तिच्या नातेवाईकास घडलेला प्रकार सांगितला.