बारामती – बारामती औद्योगिक क्षेत्रातील स्टील ट्युब निर्मिती करणाऱ्या आयएसएमटी लिमिटेड कंपनीच्या कामगारांना मोठा दिलासा.
या वेतन करारामुळे कामगारांमध्ये आनंदाचे व समाधानाचे वातावरण तयार झाले आहे.

बारामती – बारामती औद्योगिक क्षेत्रातील स्टील ट्युब निर्मिती करणाऱ्या आयएसएमटी लिमिटेड कंपनीच्या कामगारांना मोठा दिलासा.
या वेतन करारामुळे कामगारांमध्ये आनंदाचे व समाधानाचे वातावरण तयार झाले आहे.
बारामती वार्तापत्र
बारामती येथील औदयोगिक क्षेत्रात सर्वात जुनी समजल्या जाणाऱ्या आयएसएमटी लिमिटेड या कंपनीने त्यांच्या कायम कामगारांसाठी नुकताच वेतन करार केलेला असून त्याचा ४१३ कामगारांना मोठा दिलासा मिळणार आहे.
कोरोना संसर्गजन्य आजाराने सर्वत्र थैमान घातलेले असताना कामगार बंधूनी कंपनीच्या आवाहनाला प्रतिसाद देत उत्पादन प्रक्रिया चालू ठेऊन लॉकडाऊनच्या काळातही कंपनीच्या आर्थिक विकासाला हातभार लावलेला आहे.
अशा कामगारांबद्दलच्या भावना कंपनीचे कार्यकारी उपाध्यक्ष श्री.किशोर भापकर साहेब यांनी व्यक्त केल्या.
ते पुढे म्हणाले कि, देशात सर्वत्र कोरोनाची वाईट परिथिती असताना, कंपनीपुढे व्यवसायिक अडचणी निर्माण निर्माण झालेल्या असताना सुद्धा कामगारांचे हित जोपासण्यासाठी कामगार संघटनेच्या प्रतिनिधींशी व्यवस्थापनाने चर्चा करून सन २०२० ते २०२४ या कालावधीसाठी रुपये सहा हजार पाचशे ते अकरा हजार चारशे रुपये एवढी वाढ जाहीर केलेली आहे.
उत्पादन निगडित भत्ता चालू केल्यामुळे दरमहा अंदाजे तीनशे ते नऊशे रुपये वाढ कराराव्यतिरिक्त कामगारांना मिळणार आहे.
कामगारांसाठी विमा संरक्षण आर्थिक मदत देणे, कोरोनाग्रस्त कामगार व कंपनीत कामावर येताना जाताना गंभीर अपघात झाला तर त्यांना दिलासा देण्याचा प्रयत्न या वेतन करारात केलेला आहे.
व्यवस्थपणाच्या वतीने प्रेसिडेंट ट्युब ऑपरेशन्स श्री.किशोर भारंबे, बारामती प्लांट हेड, कार्यकारी उपाध्यक्ष श्री.किशोर भापकर , कर्मचारी संबंध अधिकारी श्री.विवेक पवार आणि कामगार संघटनेच्या वतीने अध्यक्ष श्री.कल्याण कदम, जन.सेक्रेटरी श्री.गुरुदेव सरोदे, खजिनदार श्री.संजय जांबले, उपाध्यक्ष श्री.बाळासो आटोळे, सल्लागार श्री.सुहास शिंदे, श्री.हेमंत सोनवणे, सदस्य श्री.उमाजी भिलारे , श्री.संतोष साळवे , श्री.गोपीचंद नवले यांनी सदरचा वेतन करार यशस्वी होण्यासाठी प्रयत्न केले.