बारामती येथे गावठी हातभट्टी छापा सत्र सुरू.
बारामतीतील पिपळी येथे अवैद्य गावठी हातभट्टी छापा
बारामती येथे गावठी हातभट्टी छापा सत्र सुरू.
बारामतीतील पिपळी येथे अवैद्य गावठी हातभट्टी छापा.
बारामती: बारामती तालुक्यातील पिपळी येथे अवैद्य गावठी हातभट्टी अड्ड्यावर छापा टाकून पोलिसांनी ८० हजार रुपयांचे दारू निर्मितीचे साहित्य नष्ट केले. या कारवाईत दोघांवर गुन्हा दाखल करण्यात आला आहे.
अप्पर पोलीस अधीक्षक जयंत मीना यांना मिळालेल्या गोपनीय माहिती वरून त्यांनी बारामती गुन्हे शाखेचे प्रमुख पोलीस निरीक्षक चंद्रशेखर यादव यांना सदर ठिकाणी छापा टाकण्यास सांगितले. त्या अनुषंगाने सदर ठिकाणी बारामती गुन्हे शाखेने व शहर पोलिसांनी अचानक छापा टाकत हातभट्टी तयार करण्याचे रसायनाचे १२ बॅरल तयार, सरपण व इतर साहित्य असा८० हजार रुपयांचा माल नष्ट केला. या कारवाईत अलका पवार, किशोर वाघमारे, (दोघे.रा. पिंपळी, ता. बारामती) यांच्यावर दारूबंदी कायद्यान्वये गुन्हा दाखल करण्यात आला आहे.
सदरची कामगिरी संदीप पाटील,पोलीस अधीक्षक, पुणे ग्रामीण, जयंत मीना अप्पर पोलीस अधीक्षक बारामती,
यांच्या मार्गदर्शनाखाली बारामती क्राईम ब्रँचचे पोलीस निरीक्षक चंद्रशेखर यादव,बारामती शहर पोलीस स्टेशन चे पो.उप. नि. पद्मराज गंपले, क्राईम ब्रांचचे पोलीस जवान सुरेंद्र वाघ, संदीप जाधव, स्वप्निल अहिवळे, शर्मा पवार, विशाल जावळे तसेच बारामती शहर पोलीस ठाण्यातील पोलीस जवान सिद्धू पाटील, डोईफोडे व आरसीपी पथकातील ४ पोलीस जवान यांनी कारवाई केली.
