इंदापूर

मंदिरे खुली करण्याच्या मागणीसाठी इंद्रेश्वर मंदिरात भाजपा ओबीसी मोर्चाकडून घंटानाद आंदोलन

मंदिरे खुली न झाल्यास तीव्र आंदोलनाचा इशारा

मंदिरे खुली करण्याच्या मागणीसाठी इंद्रेश्वर मंदिरात भाजपा ओबीसी मोर्चाकडून घंटानाद आंदोलन

मंदिरे खुली न झाल्यास तीव्र आंदोलनाचा इशारा

इंदापूर : प्रतिनिधी
शासनाची सर्व कामे, उद्घाटने तसेच विविध कार्यक्रम राज्यभरात चालू आहेत, मात्र गेली अनेक दिवस कोरोना संसर्गाचे कारण देत राज्यातील मंदीरं बंद आहेत,त्यामुळे मंदीरे त्वरित खुली करण्याची शासनाने परवानगी द्यावी या मागणीसाठी सोमवारी ( दि.३० ) इंदापूर येथील इंद्रेश्वर मंदिरात भारतीय जनता पार्टी ओबीसी मोर्चा कडून घंटानाद आंदोलन करण्यात आले.

यावेळी बोलताना भाजपा ओबीसी मोर्चाचे तालुकाध्यक्ष पांडुरंग शिंदे म्हणाले की, राज्य शासनाने कोरोनाच्या नावाखाली सर्व मंदिरे बंद केली आहेत.शासनाचे सर्व कार्यक्रम, उद्घाटने चालू आहेत. पंढरपूरची पोटनिवडणूक देखील कोरोना असताना झाली, मात्र हिंदू धर्मातील श्रावण महिना चालू असताना सर्व भाविक भक्तांना मंदिरात जाऊन महादेवाची पूजा अर्चा करता येत नाही. श्रद्धास्थान असणाऱ्या शिव-पार्वती मंदिरामध्ये शासनाने येण्यास बंदी घातली आहे.त्यामुळे शासनाचा निषेध व्यक्त करतो. शासनाने पुढील आठ दिवसात मंदिरे खुली करण्याची परवानगी द्यावी अन्यथा तीव्र स्वरूपाची आंदोलन करू असा इशारा शिंदे यांनी यावेळी दिला.

यावेळी भाजपा ओबीसी मोर्चाचे तालुकाध्यक्ष पांडुरंग शिंदे,प्रेमकुमार जगताप,सचिन कदम,लक्ष्मण कोलते,रवी सुतार,अशोक व्यवहारे,बाळू भिसे,सुरेश सुतार,ओंकार हिंगमीरे,भागवत राऊत,संतोष सुतार इत्यादी उपस्थित होते.

Related Articles

Leave a Reply

Your email address will not be published. Required fields are marked *

Back to top button
error: Content is protected !!