महाराष्ट्र व्हॉलीबॉल संघाच्या कर्णधार पदी बारामतीची तेजस्विनी मंलगुडे
व्हॉलीबॉल संघाचे प्रशिक्षक शिवाजी जाधव यांच्या मार्गदर्शनाखाली करीत आहे.
महाराष्ट्र व्हॉलीबॉल संघाच्या कर्णधार पदी बारामतीची तेजस्विनी मंलगुडे
व्हॉलीबॉल संघाचे प्रशिक्षक शिवाजी जाधव यांच्या मार्गदर्शनाखाली करीत आहे.
बारामती वार्तापत्र
महाराष्ट्र व्हॉलीबॉल संघाच्या कर्णधार पदी बारामतीच्या जिल्हा क्रीडा संकुल ची खेळाडू तेजस्विनी मंलगुडे हिची निवड करण्यात आली आहे .
जयसिंगपुर नगर पालिका मैदान,जयसिंगपूर,कोल्हापूर याठिकाणी झालेल्या राज्यस्तरीय व्हॉलीबॉल स्पर्धेत पुणे विभागाच्या मुलींच्या संघाने उत्कृष्ट खेळाचे प्रदर्शन करीत प्रथम क्रमांक प्राप्त केला होता यामध्ये बारामतीची खेळाडू तेजस्विनी मलगुंडे हिने डिफेन्स, अटॅक,ब्लॉकिंग तसेच सर्व्हिस अशी सर्व बाजूने सर्वोत्कृष्ट कामगिरी केली होती त्याचेच फलित म्हणून व्हॉलीबॉल फेडरेशन ऑफ इंडियाच्या वतीने रुद्रपुर उत्तराखंड येथे दि. ११ ते १६ एप्रिल रोजी आयोजित करण्यात आलेल्या युथ (२१ वर्षाखालील) राष्ट्रीय व्हॉलीबॉल स्पर्धेसाठीच्या महाराष्ट्र मुलीच्या संघाची कर्णधार म्हणून व्हॉलीबॉल प्रशिक्षण केंद्रातील खेळाडू कु. तेजस्विनी मंलगुडे हिची निवड करण्यात आलेली आहे.
महाराष्ट्र व्हॉलीबॉल संघाचे प्रशिक्षक शिवाजी जाधव यांच्या मार्गदर्शनाखाली राष्ट्रीय स्पर्धेची तयारी जिल्हा क्रीडा संकुल येथील व्हॉलीबॉल मैदानावर सराव करीत आहे.
उपमुख्यमंत्री अजितदादा पवार यांचे खाजगी सचिव हनुमंत पाटील,जिल्हा क्रीडा अधिकारी महादेव कसगावडे, तहसीलदार विजय पाटील, तालुका क्रीडा अधिकारी बारामती महेश चावले,जिल्हा क्रीडा संकुल समिती पुणे,बारामतीचे सदस्य अविनाश लगड आदींनी निवडी बदल तिचा सत्कार केला.
