सरडेवाडी ग्रामपंचायतीच्या सरपंच पदी सिताराम जानकर व उपसरपंच पदी हनुमंत जमदाडे यांची निवड

सरडेवाडी ग्रामपंचायतीच्या सरपंच पदी सिताराम जानकर व उपसरपंच पदी हनुमंत जमदाडे यांची निवड

सरडेवाडीच्या सर्वांगीण विकासाकरिता कटिबद्ध राहणार असल्याचे मत केले व्यक्त

इंदापूर : सिद्धार्थ मखरे ( प्रतिनिधी )

सरडेवाडी ग्रामपंचायतीच्या आज (दि.१०) रोजी झालेल्या सरपंच-उपसरपंचपदाच्या निवडणुकीत सरपंच पदी सिताराम किसन जानकर व उपसरपंचपदी हनुमंत सदाशिव जमदाडे यांची सर्वांनुमते बिनविरोध निवड करण्यात आली असल्याची माहिती निवडणूक निर्णय अधिकारी बी.डी जाधव यांनी जाहीर केले.

सरडेवाडी ग्रामपंचायतीची निवडणूक ही अत्यंत चुरशीने लढवली गेली. यामध्ये श्री हनुमान ग्रामविकास पॅनलने जनसेवा ग्रामविकास पॅनलला धूळ चारत अकरा पैकी अकरा जागांवर विजय मिळवत, सरडेवाडी ग्रामपंचायतीवर एकहाती वर्चस्व स्थापन केले. (दि १०) रोजी झालेल्या सरपंच-उपसरपंचपदाच्या निवडणुकीत सर्वसामान्य व शेतकरी कुटुंबातील सिताराम किसन जानकर व हनुमंत सदाशिव जमदाडे यांच्या निवडीमुळे सरडेवाडीकरांनी समाधान व्यक्त केले.

यावेळी पॅनल प्रमुख कर्मयोगीचे मा.संचालक वामन ( तात्या ) सरडे,बळीराम जानकर, राजाराम सागर,सचिन सरडे,रवी सरडे,अर्जुन जमदाडे, मा.सरपंच विजय शिद,आप्पा माने व सर्व ग्रामपंचायत सदस्य उपस्थित होते. निवडणूक निर्णय अधिकारी म्हणून श्री.बी.डी जाधव,स्वाती लोंढे,श्री.येडे यांनी काम पाहिले.