क्राईम रिपोर्ट

स्थानिक गुन्हे शाखेच्या पथकाकडून मोटारसायकल चोर जेरबंद 2 लाख 20 हजार रु किंमतीच्या 5 मोटारसायकल जप्त

5 मोटारसायकल चोरी केल्याचे सांगितले

स्थानिक गुन्हे शाखेच्या पथकाकडून मोटारसायकल चोर जेरबंद 2 लाख 20 हजार रु किंमतीच्या 5 मोटारसायकल जप्त

5 मोटारसायकल चोरी केल्याचे सांगितले

क्राईम ; बारामती वार्तापत्र

दौंड, शिरूर तालुक्यातून दुचाकी चोरी करणाऱ्या चोरास स्थानिक गुन्हे शाखेच्या पथकाने पकडले. २ लाख २० हजार किंमतीच्या पाच दुचाकी या चोरांकडे मिळून आल्या आहेत. स्थानिक गुन्हे शाखेच्या पथकांने ही कामगिरी केली आहे.
याबाबत पोलीसांनी दिलेली माहिती अशी की, अक्षय नितीन काळे (वय २० वर्षे, रा. गणेगाव दुमला, ता. शिरूर) व त्याचा साथीदार प्रशांत सतीश भोसले (वय २० वर्षे, रा खोरवाडी ता.दौंड) यांना पोलिसांनी अटक केली.

हे दोघे जण चोरीच्या मोटारसायकल विक्री करत असल्याची माहिती गुप्त बातमीदाराकडून मिळाली होती. त्यानुसार स्थानिक गुन्हे शाखेचे पोलीस निरीक्षक पद्माकर घनवट यांनी गुन्हे शाखेचे एक पथक तयार करून या आरोपींना पकडण्यासाठी तैनात केले. या पथकाने दौड पोलिस स्टेशन हद्दीत काष्टी रोडवर सापळा रचून दोन दुचाकी चोरांना ताब्यात घेतले. ५ दुचाकींची त्यांनी चोरी केली, त्यातील चार दुचाकी या व्यंकटेश या व्यक्तीस विकल्याचे कबुली त्यांनी दिली.

चोरीच्या दुचाकी घेणारा व्यंकटेश फ्रराव कंटसाला (वय २७ सध्या रा खातगाव भिगवण जि पुणे मूळ रा अगडालंका वेस्ट गोदावरी राज्य आंध्र प्रदेश) यासही पोलिसांनी ताब्यात घेतले. या तिन्ही आरोपींकडून २ लाख २० हजार किंमतीच्या ५ दुचाकी आणि मुद्देमाल हस्तगत केला असून या आरोपींना दौंड पोलिस स्टेशनच्या ताब्यात देण्यात आले.

१) दौड पो स्टे गु र नं 306/2021 भा द वी 379 यातील चोरीस गेलेली हिरो होंडा पॅशन किंमत रु 20,000
२) वालचंद नगर पो स्टे गु र नं 487/2020 भा द वी 379 चोरीस गेलेली होंडा युनिकॉर्न किंमत रु 40,000
3) श्रीगोंदा पो स्टे गु र नं 176/2021 भा द वी 379 चोरीस गेलेली होंडा युनिकॉर्न किंमत रु 40,000
4) दौड पो स्टे गुन्हा दाखल करण्यात येत आहे हिरो होंडा स्प्लेडर किंमत रु 20,000
5) शिरूर पो स्टे गुन्हा दाखल करण्यात येत आहे
रॉयल एनफिल्ड बुलेट किंमत रु 1लाख असा एकूण 2 लाख 20 हजार रु किंमतीचा वरील वर्णनाचा मुद्देमाल तसेच आरोपी वैद्यकीय तपासणी करून पुढील तपास कामी दौड पोलिस स्टेशन च्या ताब्यात दिले आहे .

सदरची कामगिरी ही पोलिस अधिक्षक डॉ अभिनव देशमुख अप्पर पोलिस अधिक्षक श्री मिलिंद मोहिते उपविभागीय पोलिस अधिकारी दौड विभाग श्री राहुल धस यांचे मार्गदर्शनाखाली स्थानिक गुन्हे शाखेचे वरिष्ठ पोलिस निरीक्षक पद्माकर घनवट पोलिस उपनिरीक्षक शिवाजी ननावरे ,पो ना विजय कांचन,पो ना राजू मोमिन,पो कॉ अमोल शेडगे,पो कॉ मंगेश भगत, पो कॉ बाळासाहेब खडके, पो कॉ धिरज जाधव,म पो कॉ पूनम गुंड,पो कॉ दगडू विरकर यांनी केली आहे.

Related Articles

Leave a Reply

Your email address will not be published. Required fields are marked *

Back to top button
error: Content is protected !!