दौंड तालुक्यातील पाटस गावातील तामखडा येथे दोन तरुणांची दगडाने ठेचून हत्या
सलग दुसऱ्या दिवशी दौंड तालुक्यात या घटनांमुळे तणावाचे वातावरण आहे.
दौंड तालुक्यातील पाटस गावातील तामखडा येथे दोन तरुणांची दगडाने ठेचून हत्या
सलग दुसऱ्या दिवशी दौंड तालुक्यात या घटनांमुळे तणावाचे वातावरण आहे.
क्राईम; बारामती वार्तापत्र
दौंड तालुक्यातील पाटस गावातील तामखडा येथे दोन तरुणांची दगडाने ठेचून हत्या करण्यात आली आहे. ही घटना रात्रीच्या सुमारास घडली आहे. या घटनेने पाटस हादरले आहे. या घटनेची माहिती मिळताच पोलिसांनी घटनास्थळी धाव घेतली.
शिवम संतोष शितकल (वय 23) गणेश रमेश माखर (वय २३ ) दोघेही रा. पाटस (अंबिकानगर ता.दौंड.जि.पुणे,) असे खुन झालेल्या युवकांची नावे आहेत. याप्रकरणी मन्या उर्फ महेश संजय भागवत महेश टुले दोघे रा.पाटस (तामखंडा ) , योगेश शिंदे ( रा. गिरिम ता.दौंड जि.पुणे )व इतर चार ते पाच अनोळखी इसम नाव (पत्ता माहीत नाही) अशी या आरोपींची नावे असून ते पसार झाले आहेत.
याबाबत पोलीसांनी दिलेली माहिती अशी की, शिवम शितकल आणि गणेश माखर यांना मन्या उर्फ महेश संजय भागवत यांच्या सोबत फोनवरून आई आणि बहिणीवर विनाकारण शिव्या दिल्या, शिव्या का दिल्या असा जाब विचारायला गेले असता आरोपींनी त्यांना काठ्या व तलवार आणि डोक्यात दगड घालून निर्घृण हत्या केली. याबाबत अर्जुन संभाजी माखर ( वय १९ रा.पाटस ) याने यवत पोलीस स्टेशला फिर्याद दिल्याने खुनाचा गुन्हा दाखल करण्यात आला आहे.
दौंडचे उपविभागीय अधिकारी राहुल धस, पोलीस निरीक्षक भाऊसाहेब पाटील, पोलीस उपनिरीक्षक संजय नागरगोजे यांनी घटनास्थळी भेट देऊन पाहणी केली. या घटनेची माहिती समजल्याने बघ्यांची मोठी गर्दी झाली होती. दरम्यान, दोन्ही मृतदेह पोस्टमार्टमसाठी पाठवण्यात आले आहेत. पोलीस अधिक तपास करत आहेत.
