अजित पवारांनी पोलीस अधिकाऱ्याला झापले.

अजित पवारांनी पोलीस अधिकाऱ्याला झापले.

बारामती तालुक्यातील गुन्हेगारी वाढत असल्याने केली कान उघडणी..

बारामती:- वार्ताहर

गेल्या काही दिवसात बारामती शहर तसेच तालुक्यातील गुन्हेगारीचे प्रमाण वाढल्याचे दिसून येत आहे.

अवैध धंदे वाढत आहेत चोरी करणाऱ्यांचे प्रमाणही वाढले असून गुन्हेगारी पार्श्वभूमी असलेल्या युवकांनी डोके वर काढले असल्याचे दिसून येत आहे त्यातच भर म्हणजे काही मुलांकडे पिस्तूलही सापडत आहेत.अशा घटनाचे प्रमाण वाढत असल्याने तालुक्यात मध्ये या घटनांची चर्चा दिसून येत आहे.

अजित पवारांनी बारामती येथील शारदानगर येथे विकास कामांची पाहणी करण्यासाठी आले असता त्यावेळी उपस्थित उपविभागीय पोलीस अधिकारी शिरगावकर यांना बारामती तालुक्यातील वाढत असलेल्या गुन्ह्यांबद्दल बोलताना म्हंटले की मी ऐकतोय ते खरे आहे का? मला गुन्हेगारी अजिबात चालणार नाही,तुम्हाला जमत नसेल तर तसे मला सांगा असे म्हणत शिरगावकर यांना धारेवर धरले.