इंदापूरमध्ये राष्ट्रवादी काँग्रेस पक्षाचा २३ वा वर्धापन दिन साजरा
पक्ष कार्यालय येथे ध्वजारोहण
इंदापूरमध्ये राष्ट्रवादी काँग्रेस पक्षाचा २३ वा वर्धापन दिन साजरा
पक्ष कार्यालय येथे ध्वजारोहण
इंदापूर : प्रतिनिधी
इंदापूर राष्ट्रवादी काँग्रेस संपर्क कार्यालय या ठिकाणी राष्ट्रवादी काँग्रेस पक्षाचा २३ वा वर्धापन दिन शुक्रवारी (दि.१०) मोठ्या उत्साहात साजरा करण्यात आला. यावेळी इंदापूर राष्ट्रवादी काँग्रेस पक्षाचे कार्याध्यक्ष अतुल झगडे यांनी ध्वजारोहण केले. याप्रसंगी कार्यकर्ते व पदाधिकाऱ्यांनी एकमेकांना पेढे भरवून आनंद साजरा केला.
पक्षाचे अध्यक्ष शरद पवार यांनी २३ वर्षांपूर्वी पक्ष स्थापन करून गावोगावी पक्षाच्या शाखा उघडल्या. सर्वांचे कष्ट, प्रयत्न, जिद्द यातूनच आपला पक्ष इथपर्यंत आला आहे.अनेक तरूण पक्षात काम करण्यास इच्छुक आहेत.सर्वांनी पक्ष, संघटन बळकट करण्यासाठी प्रयत्न करावेत,असे आवाहन यावेळी माजी जिल्हा परिषद सदस्य प्रतापराव पाटील यांनी उपस्थितांना केले.
प्रसंगी बोलताना अतुल झगडे म्हणाले की,आगामी काळात होणाऱ्या स्थानिक स्वराज्य संस्थांच्या निवडणुका जिंकून राष्ट्रवादी काँग्रेस पक्षाचा झेंडा फडकवण्याचा निर्धार पक्षातील प्रत्येक कार्यकर्त्यांनी करावा.
यावेळी जिल्हा परिषद सदस्य हनुमंत बंडगर,मा.जिल्हा परिषद सदस्य श्रीमंत ढोले,जिल्हा नियोजन समितीचे सदस्य सचिन सपकळ,उपाध्यक्ष नवनाथ रुपनवर,राष्ट्रवादी युवक काँग्रेसचे तालुकाध्यक्ष ॲड.शुभम निंबाळकर,कार्याध्यक्ष सचिन खामगळ,वरकुटेचे सरपंच बापूराव शेंडे,ओबीसी सेलचे तालुकाध्यक्ष तुकाराम करे,जिल्हा सरचिटणीस वसंत मारकड,विठ्ठल महाडिक,शिवाजी तरंगे,दादासाहेब भांगे,सुभाष डरंगे-पवार,सोमनाथ जावळे,सचिन देवकर,शहाचे उपसरपंच दिलीप पाटील,लक्ष्मण देवकाते,सागर पवार,अहेमदरजा सय्यद,महिला तालुकाध्यक्षा छाया पडसळकर,शहराध्यक्षा उमा इंगोले,स्मिता पवार,यांसह महिला पदाधिकारी आणि राष्ट्रवादी काँग्रेस पार्टीचे सर्व आजी माजी नगरसेवक, विविध संस्थांचे पदाधिकारी व कार्यकर्ते मोठ्या संख्येने उपस्थित होते.
