इंदापूर तालुक्यातील पोलीस पाटलांची उजनी जलाशय परिसरात आपत्ती कार्यशाळा

इंदापूर तालुक्यातील पोलीस पाटलांची उजनी जलाशय परिसरात आपत्ती कार्यशाळा

पुणे येथील ज्ञानदा फाउंडेशन चा पुढाकार

इंदापूर : प्रतिनिधी

जिल्हा आपत्ती व्यवस्थापन प्राधिकरण पुणे यांच्या वतिने तहसीलदार श्रीकांत पाटील यांच्या मार्गदर्शनाखाली तसेच “ज्ञानदा फाउंडेशन” पुणे यांच्यामार्फत कालठण नं. २ येथील उजनी जलाशय परिसरामध्ये इंदापूर तालुक्यातील पोलिस पाटलांची आपत्ती निवारण (बोट रेस्क्यू) कार्यशाळा घेण्यात आली.

या कार्यशाळेमध्ये स्पीड बोट जोडणी व वापर, पाण्यामध्ये बुडणाऱ्या व्यक्तीला वाचवण्याबाबत प्रशिक्षण देण्यात आले. ज्ञानदा फाउंडेशन पुणे यांचे तज्ञ प्रशिक्षक श्री.बालवडकर यांनी सदरच्या कार्यशाळेस मार्गदर्शन केले व पोलिस पाटलांकडून प्रात्यक्षिक करून घेतली.प्रसंगी बोलताना त्यांनी आपत्ती निवारणाबाबत महाराष्ट्रातील सर्वात मोठी पोलीस पाटील कार्यशाळा आज घेतोय असे गौरवोद्गार काढले.

सदरील कार्यशाळेत तालुक्यातील सर्व पोलीस पाटलांनी उत्साहाने व हिरीरीने सहभाग घेतला. याप्रसंगी निवासी नायब तहसिलदार अनिल ठोंबरे उपस्थित होते.