इंदापूर नगरपरिषदेकडून आझादी का अमृत महोत्सव कार्यक्रमांतर्गत शहरात स्वच्छतेविषयी जनजागृती

इंदापूर नगरपरिषदेकडून आझादी का अमृत महोत्सव कार्यक्रमांतर्गत शहरात स्वच्छतेविषयी जनजागृती

स्वच्छतेविषयी क्यूआरकोड द्वारे प्रतिक्रिया नोंदवण्याचे आवाहन

इंदापूर : प्रतिनिधी
इंदापूर नगरपरिषदेकडून आझादी का अमृत महोत्सव कार्यक्रमांतर्गत शहरात स्वच्छतेविषयी जनजागृती करून सार्वजनिक शौचालय जन भागीदारी अमृत महोत्सव कार्यक्रम गुरुवारी ( दि.३० ) पार पडला. इंदापूरच्या प्रथम नागरिक तथा नगराध्यक्षा अंकिता शहा, मुख्याधिकारी रामराजे कापरे यांनी शहरासह परिसरातील शिंदेवस्ती येथील सार्वजनिक शौचालयास भेट देऊन तेथील स्वच्छतेची पाहणी करून क्यूआरकोड द्वारे प्रतिक्रिया नोंदवली.

सदरील कार्यक्रमांतर्गत इंदापूर नगरपरिषदेकडून सार्वजनिक शौचालयांची साफसफाई करणाऱ्या स्वच्छतादूतांचा प्रशिक्षण कार्यक्रम राबविण्यात आला.त्याचबरोबर उपस्थितांना क्यूआरकोडद्वारे प्रतिक्रिया कशा द्याव्यात याविषयी मार्गदर्शन करण्यात आले. यावेळी कर्मचारी वर्गासह उपस्थित नागरिकांनी शौचालयांची स्वच्छता राखण्याची व वसुंधरेची शपथ घेतली.

प्रसंगी बोलताना नगराध्यक्षा अंकिता शहा यांनी सार्वजनिक शौचालयांचा वापर व्यवस्थित करून परिसर व्यवस्थित ठेवावा तसेच त्या ठिकाणी कोणत्याही प्रकारचे नुकसान न करता स्वच्छतेविषयी क्यूआरकोड द्वारे प्रतिक्रिया नोंदवण्याचे आवाहन केले.

यावेळी इंदापूर तालुका शिक्षण प्रसारक मंडळाचे सचिव मुकुंद शहा,सभा अधीक्षक गजानन पुंडे,माझी वसुंधरा व स्वच्छ सर्वेक्षण स्पर्धेचे नोडल अधिकारी गोरक्षनाथ वायाळ, अविनाश बर्गे,आरोग्य निरीक्षक सुनील पोळ,पाणी पुरवठा सहाय्यक पर्यवेक्षक सुरेश सोनवणे,वीज विभागाचे पर्यवेक्षक दीपक शिंदे,उद्यान प्रमुख अशोक चिंचकर आणि नगरपरिषदेचे अधिकारी,कर्मचारी उपस्थित होते.