इंदापूर नगरपालिका 2025 : प्रभाग क्र.3 मध्ये राष्ट्रवादी काँग्रेस (AP) गटाचे गणेश पाटील व वंदना शिंदे यांची प्रचारात मुसंडी  

घड्याळ पोहचलं घरोघरी,सर्वच मतदारांचा भरभरून प्रतिसाद

इंदापूर –

इंदापूर शहरातील प्रभाग क्रमांक 3 मधील राष्ट्रवादी काँग्रेस (AP) गटाचे तरुण, उत्साही आणि विकासाभिमुख उमेदवार गणेश मेघःशाम पाटील व कर्तुत्ववान महिला उमेदवार वंदना भारत शिंदे यांच्या प्रचाराला जोरदार सुरुवात झाली आहे.

सुरुवातीपासूनच प्रभागातील नागरिकांनी दाखवलेला सकारात्मक प्रतिसाद लक्षवेधी ठरत आहे तसेच गणेश मेघधाम पाटील व वंदना भारत शिंदे यांनी कार्यकर्त्यांसह प्रभागातील घराघरात भेट देत जनसंपर्क मोहीम गतिमान केली. अनेक ठिकाणी मतदारांनी त्यांचे स्वागत करत समस्यांची माहिती दिली. युवक वर्गाकडून मिळणारा उत्तम प्रतिसाद त्यांच्या जनसंपर्क मोहिमेला अधिक बळकटी देत आहे, तर जेष्ठ नागरिक त्यांना आशीर्वाद देत त्यांची उमेदवारी योग्य असल्याचे मत नोंदवत आहेत.

युवा उद्योजक म्हणून ओळख असलेल्या गणेश पाटील व शेती उद्योगातील कर्तुत्ववान महिला म्हणून वंदना भारत शिंदे यांनी प्रभागाच्या सर्वांगीण विकासासाठी स्पष्ट व्हिजन मांडले आहे. स्वच्छता, रस्ते, पाणीपुरवठा, सुरक्षित परिसर, युवकांसाठी सुविधा, महिलांसाठी उपक्रम या मुद्यांवर त्यांनी प्राधान्याने काम करण्याची तयारी दर्शवली आहे. स्थानिक पातळीवर त्यांच्या प्रामाणिक स्वभावाची आणि लोकांशी असलेल्या संवादक्षम नात्याचीही चर्चा होत आहे.

प्रचाराच्या शुभारंभावेळी बोलताना नगराध्यक्ष पदाचे उमेदवार भरत शहा म्हणाले की, राष्ट्रवादी काँग्रेस (AP ) गटाचे उमेदवार गणेश पाटील व वंदना शिंदे यांच्याकडे प्रभाग विकासाचे प्रभावी व्हिजन आहे. त्यांच्या कामाची तळमळ स्पष्टपणे दिसते. प्रभागातील नागरिकांचे प्रश्न सोडवण्यासाठी आणि विकासाचे नवे मार्ग निर्माण करण्यासाठी आम्ही एकजुटीने काम करू. नागरिकांनी काळजी करू नये, त्यांच्या पाठीशी आम्ही ठामपणे उभे आहोत. यावेळी बारामती वार्तापत्रशी संवाद साधताना गणेश पाटील म्हणाले, प्रभागातील नागरिकांची सेवा करण्याची संधी मतदार नक्की देतील, असा मला विश्वास आहे. आदर्श आणि शाश्वत विकासाचे व्हिजन साकार करण्यासाठी माझा प्रामाणिक प्रयत्न असेल. प्रत्येक घरापर्यंत पोहोचून त्यांच्या अपेक्षा आणि अडचणी जाणून घेणे हे माझे प्राधान्य आहे. गणेश पाटील यांच्या प्रचारात युवकांनीही उत्साहाने सहभाग घेतला असून त्यांच्या सक्रियतेमुळे प्रभागात निवडणूक चुरशीला अधिक रंग चढत आहे. प्रभाग क्रमांक तीनमध्ये आता वातावरण आणखी तापत असून घड्याळाची चर्चा सर्वत्र दिसून येत आहे,अशी चर्चा मतदारांमध्ये आहे. क्रमांक 3 मध्ये राष्ट्रवादी काँग्रेस पार्टीचे उमेदवार वंदना भारत शिंदे म्हणाले की, प्रभागातील अनेक विकास कामे आम्ही जोराने मार्गी लावणार आहोत. महिलांचे तरुणांचे व अनेक कुटुंबाचे विविध प्रश्न आम्ही प्रामाणिकपणे सोडवणार आहोत, त्यामुळे मतदारांनी आम्हाला आशीर्वाद द्यावा असे आवाहन त्यांनी केले.