उपमुख्यमंत्री अजित पवार यांची बारामतीतील सभा रद्द!

उपमुख्यमंत्री अजित पवार यांची बारामतीतील सभा रद्द!

राजकीय घडामोडींना अनपेक्षित वळण मिळाले आहे.

बारामती वार्तापत्र

बारामती नगरपालिका निवडणुकीला काहीच दिवस उरलेले असतानाच मोठा बदल घडला आहे. बारामती नगरपालिकेच्या निवडणुकीसाठी २ डिसेंबर रोजी मतदान होणार असल्याची अधिकृत घोषणा झाली होती.

त्यानुसार विविध पक्ष आणि उमेदवारांनी प्रचाराला मोठ्या प्रमाणावर वेग दिला होता. शहरातील वातावरण उत्साहपूर्ण बनले होते, अनेक सभा, मेळावे आणि संपर्क मोहिमा सुरू होत्या.

मात्र, न्यायालयाने दिलेल्या निर्णयानुसार ही निवडणूक तात्पुरती पुढे ढकलण्याचे आदेश देण्यात आले. या आदेशामुळे सर्वच पक्षांच्या प्रचार योजना अचानक स्थगित कराव्या लागल्या. निवडणुकीचा कार्यक्रम पुढे ढकलल्याने राजकीय घडामोडींना अनपेक्षित वळण मिळाले आहे.

या पार्श्वभूमीवर उपमुख्यमंत्री अजित पवार यांची शारदा प्रांगण येथे आयोजित करण्यात आलेली मोठी प्रचारसभा देखील अखेर रद्द करण्यात आली आहे. निवडणूक पुढे ढकलली गेल्याने ही सभा घेण्याची गरज उरली नसल्याचे समजते. या सभेला मोठी गर्दी अपेक्षित होती; परंतु निर्णयामुळे सर्व तयारी मागे घेण्यात आली.

—