उपमुख्यमंत्री अजित पवार यांनी पुन्हा एसटी कर्मचाऱ्यांना कामावर येण्याचं आवाहन

उपमुख्यमंत्री अजित पवार यांनी पुन्हा एसटी कर्मचाऱ्यांना कामावर येण्याचं आवाहन

विलिनीकरणाच्या मागणीवर कर्चमचारी अडून बसले आहेत.

बारामती वार्तापत्र

राज्य सरकारने पगारवाढीची घोषणा करूनही एसटी कामगारांचा संप  सुरूच आहे. विलिनीकरणाच्या मागणीवर कर्चमचारी अडून बसले आहेत. या कर्मचाऱ्यांना उपमुख्यमंत्री अजित पवार यांनी पुन्हा एकदा कामावर येण्याचं आवाहन केलं.

एसटीच्या संदर्भात मार्ग काढण्याचा प्रयत्न केला आहे. कर्मचाऱ्यांची पगारवाढ करण्यात आली आहे. शाळा सुरू झाल्यामुळे मुलांना बस आवश्यक आहे. गोरगरिबांना प्रवासासाठी एसटी लागते. काही राज्यांचा आढावा घेऊन पगारवाढ करण्यात आली आहे. एसटी कामगारांना भडकवण्याचा प्रयत्न केला जातोय, असा हट्टीपणा कधीच चालत नाही. असं सरकार चालू शकत नाही, असं केलं तरच आम्ही काम करू असं म्हणायला लागले तर ती संस्था कशी चालेल? आमची बळजबरी नाही विनंती आहे की, आम्ही काही पाऊल मागे सरकू त्यांनीही काही पाऊल पाठीमागे सरकलं पाहिजे. तेव्हाच मार्ग निघेल.

आज ही विनंती करतो. इथून पुढे बस घ्यायची तर सीएनजी किंवा इलेक्ट्रीक बसेस घ्यायच्या. यामुळे प्रदूषण होत नाही. यातून सर्वांना फायदा होणार आहे. असे मत उपमुख्यमंत्री अजित पवार यांनी व्यक्त केले. बारामती तालुक्यातील माळेगाव येथे आयोजित एका कार्यक्रमात पवार बोलत होते.