टी.सी. महाविद्यालयामध्ये रंगणार अखिल भारतीय आंतरविद्यापीठ बेसबॉल स्पर्धा

टी.सी. महाविद्यालयामध्ये रंगणार अखिल भारतीय आंतरविद्यापीठ बेसबॉल स्पर्धा

राष्ट्रीय पातळीवरील ही स्पर्धा प्रत्यक्ष पाहणे ही बारामतीकरांसाठी एक पर्वणीच ठरणार आहे.

बारामती वार्तापत्र

बारामतीमधील तुळजाराम चतुरचंद कॉलेजला यंदाच्या वर्षी होणा-य़ा अखिल भारतीय आंतर- विद्यापीठबेसबॉल स्पर्धेचे आय़ोजनकरण्याचा बहुमान मिळाला आहे. असोशिएशन ऑफ इंडियन युनिव्हर्सिटीज आणिसावित्रीबाई फुले पुणे विद्यापीठ यांच्या मान्यतेने ही स्पर्धा आयोजित करण्यात येत आहे.

सोमवार, दिनांक 14 मार्च ते 18 मार्च 2022 दरम्यान आतंरविद्यापीठ बेसबॉलस्पर्धा होणार आहे.अखिलभारतीय आंतर-विद्यापीठ बेसबॉल स्पर्धेमध्ये देशभरातील 51 विद्यापीठांचे संघसहभागी होणार आहेत. दोन्ही स्पर्धेसाठी सुमारे 500 खेळाडू, संघव्यवस्थापक,
क्रीडा अधिकारी, मार्गदर्शक, पंच, शारीरिक शिक्षण संचालक सहभागी होणार आहेत.

बेसबॉल जवळपास जगातील सर्वच देशांमध्ये खेळला जातो. बेसबॉल हा अमेरिकेचा राष्ट्रीय खेळ आहे.दोन संघांमध्ये हा खेळ खेळला जातो, प्रत्येक संघ ९ खेळाडूं असतात.खेळ ९ डावांपर्यंत चालतो आणि प्रत्येक संघ प्रत्येक डावात फलंदाजी आणि क्षेत्ररक्षण दरम्यान बदलतो.अखिल भारतीय आंतर-विद्यापीठबेसबॉल स्पर्धेमध्ये प्राथमिक फेरीतील सामने बाद पद्धतीने खेळविले जातील व अंतिम चार संघ हे साखळी पद्धतीने अंतिम फेरीत खेळतील. यातील अंतिम सामना दि. 19 मार्च रोजी सायंकाळी खेळविला जाईल व त्यानंतर या स्पर्धेचा समारोप होईल.

अखिल भारतीय आंतर-विद्यापीठ बेसबॉल स्पर्धेचे उद्घाटन सोमवार दिनांक 14 मार्च 2022 रोजी सावित्रीबाई फुले पुणे विद्यापीठाचे कुलगुरू डॉ.नितीन करमळकर यांचे शुभहस्ते होणार आहे.

अनेकान्त एज्युकेशन सोसायटीचे अध्यक्ष मा.जवाहर शाह (वाघोलीकर) समारंभाचे अध्यक्षस्थान भुषवित आहेत. या आंतरविद्यापीठ सामन्यासाठी डॉ. संजय चाकणे, सदस्य, अधिसभा, सावित्रिबाई फुले पुणे विद्यापीठ, डॉ.दिपक माने, संचालक, बोर्ड ऑफ स्पोर्टस,
सावित्रीबाई फुले पुणे विद्यापीठ, अशोक सुरवडे, सदस्य, महाराष्ट्र बेसबॉल संघटना, तसेच विद्यापीठातील अनेक अधिकारी, आसपासच्या परिसरातील महाविद्यालय, शाळांमधील विद्यार्थी, क्रीडा शिक्षक, राष्ट्रीय पातळीवरील खेळाडू मोठ्या संख्येने उपस्थित राहणार आहेत. टी.सी महाविद्यालयाने यापुर्वी दोन अखिल भारतीय आंतरविद्यापीठ स्पर्धाचे यशस्वी आयोजन केले आहे.

महाविद्यालयामध्ये या स्पर्धेची जय्यत तयारी चालू असल्याचे महाविद्यालयाचे प्राचार्य डॉ. चंद्रशेखर मुरुमकर यांनी सांगितले. प्रा.गौतम जाधव हे या स्पर्धेचे समन्वयक म्हणून काम पाहत आहेत. राष्ट्रीय पातळीवरील ही स्पर्धा प्रत्यक्ष पाहणे ही बारामतीकरांसाठी एक पर्वणीच ठरणार आहे.