कोरोना काळात शहराचे आरोग्य अबाधित राखणाऱ्या महिला कर्मचाऱ्यांचा इंदापूरात सन्मान

कोरोना काळात शहराचे आरोग्य अबाधित राखणाऱ्या महिला कर्मचाऱ्यांचा इंदापूरात सन्मान

प्रवीण माने यांच्या वाढदिवसानिमित्त ३८ महिलांना साड्यांचे वाटप

इंदापूर : बारामती वार्तापत्र
लोकशाहीर अण्णाभाऊ साठेनगर मधील माजी नगराध्यक्ष कै. अरुणरावजी ढावरे सभागृह येथे गुरुवारी (दि.१८) जिल्हा परिषदेचे सदस्य प्रविण माने यांच्या ३५ व्या वाढदिवसाच्या निमित्ताने इंदापुर नगरपरिषदेतील घनकचरा व्यवस्थापनातील कंत्राटी काम करणा-या सफाई महिला कर्मचा-यांना साड्यांचे वाटप करून सुमारे ३८ महिलांचा सन्मान करण्यात आला.

कोरोनाच्या जागतिक महामारी व लाॅकडाऊन काळामध्ये या महिलांनी कुटुंबाचे व आपले आरोग्य धोक्यात घालून शहराचे आरोग्य अबाधित राखले. याची सामाजिक जाणीव ठेवून. प्रविण माने मिञ परिवाराच्या वतीने या कार्यक्रमाचे आयोजन करण्यात आले. प्रसंगी प्रमुख मान्यवर उद्योगपती अतुल माने यांचा सत्कार मा. नगरसेवक दादासाहेब सोनवणे यांच्या हस्ते करण्यात आला. तसेच सर्व उपस्थित मान्यवरांच्या हस्ते नगरपरिषदेतील घनकचरा महिला कर्मचारी माता-भगिनींना साड्यांचे वाटप करण्यात आले. यावेळी इंदापुर नगरपरिषदेच्या कार्यक्षम नगरसेविका राजश्री अशोक मखरे, आरोग्य सभापती अनिकेत वाघ, सामाजिक कार्यकर्ते सतिश सागर यांनी मनोगत व्यक्त केले.तसेच इंदापुर नगरपरिषद आरोग्य विभागाचे मुकादम बापू मखरे, दत्तात्रय ढावरे,मोहन शिंदे, यांचा सत्कार सर्व समाजाच्या वतीने करण्यात आला.

यावेळी दिलीप शिंदे, गौरव पवार,बाळासाहेब आडसुळ,चंदू सोनवणे, मयुर ढावरे, उमेश ढावरे, राजू गुळीक, वसिम बागवान,अंकुश दोरकर,नंदू खंडाळे, ज्ञानेश्वर सोनवणे,रणजित ढावरे, बापू आडसुळ, राहूल ढावरे, मुकिंद शिंदे,मुरलीधर सोनवणे,लकी सागर, सागर सोनवणे, सोमनाथ ढावरे,अनिल गोरे,समीर सोनवणे, छगन बनसोडे, ,साधू नरूटे,किरण आखाडे, देविदास लावंड, रोहित गेंड, साधू नरुटे, अक्षय कोकाटे, प्रविण निगडे यांसह अन्य उपस्थित होते.कार्यक्रमाचे प्रास्ताविक व सुञसंचालन, आभार प्रदर्शन सतिश सागर यांनी केले.