गलांडवाडी नं.1 येथे भावकीच्या दोन गटांत हाणामारी

दोन्ही गटांतील बरेच जण गंभीर जखमी..

इंदापूर प्रतिनिधी –

गलांडवाडी नं.1(ता. इंदापूर) येथे भावकीच्या दोन गटांत झालेल्या वादामुळे दगड, काठ्या, गज तसेच कोयत्याचा वापर करून जोरदार हाणामारी झाली. यामध्ये दोन्ही गटांतील बरेच जण गंभीर जखमी झाले आहेत.याप्रकरणी इंदापूर पोलिस स्टेशन मध्ये परस्परविरोधी गुन्हे दाखल करण्यात आले आहेत.

पोलिस निरीक्षक सूर्यकांत कोकणे यांनी दिलेल्या माहितीनुसार, मंगळवारी (दि.29) ऑक्टोंबर रोजी दुपारी गलांडवाडी गावातील दोन गटांत हाणामारी झाली. त्यामधील जखमींवर शासकीय तसेच खासगी रुग्णालयात उपचार सुरू आहेत. याप्रकरणी परस्परविरोधी गुन्हे दाखल झाले आहेत. यात ज्ञानदेव नामदेव जाधव (वय 59 वर्षे, रा. गलांडवाडी नं.1, ता. इंदापूर) यांनी दिलेल्या फिर्यादीवरून सागर तुकाराम जाधव, विवेक राजेंद्र फलफले, रोहित दत्तात्रेय जाधव, रोहन दत्तात्रेय जाधव, तुकाराम निवृत्ती जाधव, दत्तात्रेय निवृत्ती जाधव (सर्व रा. गलांडवाडी नं.1, ता. इंदापूर) यांच्याविरुद्ध गुन्हा दाखल करण्यात आला आहे. तर विवेक राजेंद्र फलफले (वय 30 वर्षे, रा. गलांडवाडी नं.1, ता. इंदापूर) यांनी दिलेल्या फिर्यादीवरून ज्ञानदेव नामदेव जाधव, अरुण नामदेव जाधव, सचिन सुभाष जाधव, विठ्ठल नामदेव जाधव, युवराज अरुण जाधव, इंद्रजित ऊर्फ अभिषेक ज्ञानदेव जाधव, अतुल सुभाष जाधव, योगेश ज्ञानदेव नलावडे, राहुल ज्ञानदेव नलावडे, संध्या ज्ञानदेव जाधव, शुभम सचिन जाधव, विजय जाधव (सर्व रा. गलांडवाडी नं.1, ता. इंदापूर) यांच्याविरुद्ध गुन्हा दाखल केला आहे.