जनहित प्रतिष्ठानच्या विद्यालयातील विद्यार्थ्यांचे एक्सलंट ऑलिम्पियाड परीक्षेत घवघवीत यश.

जनहित प्रतिष्ठानच्या विद्यालयातील विद्यार्थ्यांचे एक्सलंट ऑलिम्पियाड परीक्षेत घवघवीत यश.

सन्मान चिन्ह व प्रशस्तीपत्रक देऊन प्रमुख पाहुण्यांच्या हस्ते विद्यार्थ्यांना गौरविण्यात आले.

बारामती वार्तापत्र

बारामती- शै. वर्ष २०२४-२५ मध्ये घेण्यात आलेल्या एक्सलंट ऑलिम्पियाड परीक्षेत जनहित प्रतिष्ठानच्या प्राथमिक व माध्यमिक विदयालयाच्या विद्यार्थ्यांनी घवघवीत यश मिळवले आहे. यामध्ये विदयालयातून ३४ विद्यार्थी परीक्षेत सहभागी झाले होते. त्यामधून इ.१ली ते इ.४ थी तील एकूण २ विद्यार्थ्यांना केंद्रस्तरीय शिष्यवृत्ती प्राप्त झाली आहे. यामध्ये इ.१ली मधून कु. कृष्णाली रणजीत सावंत (केंद्रात द्वितीय) व इ.३ री मधून चि. अवधूत सागर नेहेरे (केंद्रात प्रथम) यांचा समावेश होतो.

या सर्व गुणवंत व स्पर्धा परीक्षेस बसलेल्या सर्व विद्यार्थ्यांचा पारितोषिक वितरण समारंभ विद्यालयात बुधवार दि.१३/०८/२०२५ रोजी मोठ्या उत्साहात संपन्न झाला.

यावेळी सन्मान चिन्ह व प्रशस्तीपत्रक देऊन प्रमुख पाहुण्यांच्या हस्ते विद्यार्थ्यांना गौरविण्यात आले. प्रास्ताविकात विद्यालयाचे मुख्याध्यापक श्री. अतुल कुटे यांनी या स्पर्धेविषयी माहिती सांगून स्पर्धात्मक युगाविषयी विद्यार्थी व पालक यांच्याशी संवाद साधला. सदर कार्यक्रमासाठी प्रमुख पाहुणे म्हणून विद्यालयाची स्नातक विद्यार्थिनी कु. डॉ. धनदा धनंजय गायकवाड (M.B.B.S.परीक्षा उतीर्ण) या उपस्थित होत्या त्यांनी आपल्या शाळेतील आठवणी यावेळी विद्यार्थ्यांसमोर मांडल्या तसेच विद्यार्थ्यांना कठोर परिश्रम आणि मेहनतीने यश संपादन करता येते असा यशाचा मार्ग सांगितला तसेच प्रमुख अतिथी म्हणून बारामती तालुका एक्सलंट ऑलिम्पियाड परीक्षा समन्वयक मा. सौ. वर्षाराणी धनंजय गायकवाड या उपस्थित होत्या त्यांनी सर्व बक्षीसपात्र विदयार्थ्यांचे कौतुक केले. कार्यक्रमाचे अध्यक्ष म्हणून विद्यालयाचे सेवाजेष्ठ शिक्षक श्री. अजित रेवडे हे उपस्थित होते त्यांनी त्यांच्या मनोगतात सर्व बक्षीस पात्र विद्यार्थ्यांचे कौतुक करून पुढे स्पर्धा परीक्षेसाठी शुभेच्छा दिल्या.

या सर्व विद्यार्थ्यांचे संस्थेचे अध्यक्ष मा.श्री. किशोर कानिटकर, कार्याध्यक्ष समन्वयक मा. श्री. किशोर शिवरकर, उपाध्यक्ष (प्राथमिक) मा.श्री. किरण शहा (वाडीकर), उपाध्यक्ष (गुरुकुल) प्रा.मा.श्री. हृषीकेश घारे (सर), सचिव प्रा.मा.श्री. सतीश गायकवाड (सर), खजिनदार मा.श्री. सतीश धोकटे व सर्व संचालक, गुरुकुलचे आचार्य श्री. हनुमंत दुधाळ, मुख्याध्यापक श्री. अतुल कुटे, बालभवन प्रमुख श्री. निलेश भोंडवे, आणि विद्यालायातील सर्व शिक्षक, शिक्षकेतर कर्मचारी व पालक या सर्वांनी कौतुक केले. या कार्यक्रमाचे सूत्रसंचलन विद्यालयाचे शिक्षक श्री. अजिंक्य साळी तर आभार शिक्षिका कु. श्रद्धा कडाळे  यांनी मानले.