Arjun Khotkar Atrocity case : अर्जुन खोतकर यांना एका समाजाबाबत आक्षेपार्ह विधान करणं भोवलं! अॅट्रोसिटी अंतर्गत गुन्हा दाखल

शिवसेना एकनाथ शिंदे यांच्या गटातील आमदार अर्जुन खोतकर यांच्यावर अॅट्रोसिटी अंतर्गत गुन्हा दाखल झाला आहे. त्यांनी सलग दोन दिवस खाटिक समाजाबद्दल आक्षेपार्ह विधाने केली होती.

Follow Us:

Arjun Khotkar Atrocity case : बारामती : शिवसेना एकनाथ शिंदे यांच्या गटातील आमदार अर्जुन खोतकर यांच्या अडचणींमध्ये वाढ झाली आहे. अर्जुन खोतकर यांनी एका समुदायाच्या विरोधामध्ये वक्तव्य केले होते. यामुळे बारामतीमध्ये अर्जुन खोतकर यांच्या विरोधात आक्रमक भूमिका घेतली जात होती. त्यानंतर अखेर भिगवण पोलीस ठाण्यामध्ये अर्जुन खोतकर यांच्याविरोधात अॅट्रोसिटी अंतर्गत गुन्हा दाखल झाला आहे.

शिंदे गटाच्या अडचणींमध्ये वाढ झाली आहे. शिवसेना आमदार अर्जुन खोतकर यांनी वादग्रस्त वक्तव्य केले होते. खाटीक समाजाबाबत आमदार अर्जुन खोतकर यांनी आक्षेपार्ह वक्तव्य केले होते. यामुळे खाटीक समाजाकडून आक्रमक भूमिका घेतली जात होती. बारामती येथील खाटीक समाजाचे कार्यकर्ते करण सुनील इंगुले यांनी याबाबतची फिर्याद भिगवण पोलिस ठाण्यात दिली. त्या फिर्यादीवरून शिवसेनेचे आमदार अर्जुन खोतकर यांच्या विरोधात इंदापूर येथील भिगवण पोलिसांनी गुन्हा दाखल केला आहे.

राजकीय बातम्या वाचण्यासाठी क्लिक करा 

आमदार अर्जुन खोतकर यांनी खाटीक समाजाबाबत आक्षेपार्ह वक्तव्य केले होते. त्यानंतर खाटीक समाजाने नाराजी व्यक्त करत आक्रमक भूमिका घेतली. बारामतीसह संपूर्ण राज्यातील विविध भागामध्ये खाटीक समाजाने आंदोलन केले. आमदार अर्जुन खोतकर यांच्यावर गुन्हा दाखल करण्याची मागणी करण्यात आली होती. बारामती येथील खाटीक समाजाचे कार्यकर्ते करण सुनील इंगुले यांनी गुन्हा दाखल होत नाही तोपर्यंत बेमुदत उपोषण करण्याचा इशारा दिला होता. त्यानंतर आमदार अर्जुन खोतकर यांच्यावर अॅट्रोसिटी अंतर्गत गुन्हा दाखल झाला आहे.

आमदार अर्जुन खोतकर यांनी सलग दोन दिवस खाटिक समाजाबद्दल आक्षेपार्ह विधाने केली होती. त्यांच्या विधानामुळे खाटिक समाजाच्या भावना दुखावल्या गेल्या होत्या. त्यामुळे या प्रकरणी आमदार खोतकर यांच्या विरोधात अॅट्रोसिटीचा गुन्हा दाखल करण्यात यावा, अशी मागणी समाज बांधवांकडून करण्यात आली होती. त्यानंतर पोलिसांनी ही कारवाई केली.