बारामती पोलिसांचा धाक नाही!तरुणाचा कोयत्याने वार करून खून, सहा महिन्यातील तिसरी घटना

बारामती पोलिसांचा धाक नाही!तरुणाचा कोयत्याने वार करून खून, सहा महिन्यातील तिसरी घटना

संशयाचे भूत डोक्या

बारामती वार्तापत्र 

बारामती पुन्हा एकदा हादरली आहे. काही दिवसांपुर्वी एका महाविद्यालयामध्ये कोयत्याने वार करून विद्यार्थ्यांचा खून करण्यात आला होता. त्यानंतर आता पुन्हा एकदा बारामतीतील क्रिएटिव्ह अकॅडमी ते तुळजाराम चतुरचंद महाविद्यालयाच्या रस्त्यावर रात्री 23 वर्षीय युवकाचा कोयत्याने निघृण वार करत खून करण्यात आला आहे.

रात्री साडेदहा च्या सुमारास प्रगतीनगर परिसरातील क्रिएटिव्ह अकॅडमी ते तुळजाराम चतुरचंद कॉलेज रस्त्यावर अनिकेत सदाशिव गजाकस या युवकावर कोयत्याने वार करण्यात आले. यामध्ये गंभीर जखमी झाल्याने अनिकेत गजाकस याचा मृत्यू झाला.

धक्कादायक बाब म्हणजे अनिकेत हा मुलीशी बोलत असल्याच्या कारणावरून हा खून झाल्याचा संशय आहे. याप्रकरणी अभिषेक सदाशिव गजाकस यांच्या फिर्यादीवरुन बारामती शहर पोलिसांनी तिघांविरोधात गुन्हा दाखल केला आहे. पुढील तपास सहाय्यक निरीक्षक गजानन ठेके करत आहेत.