बारामती उपविभागातील अवैद्य दारू विक्री करणाऱ्या १५० जणांची पोलिसांकडून कुंडली तयार ; तडीपारीची होणार कारवाई

बारामती उपविभागातील अवैद्य दारू विक्री करणाऱ्या १५० जणांची पोलिसांकडून कुंडली तयार ; तडीपारीची होणार कारवाई

निंबुत येथील एकावर एम.पी.डी.ए कायद्यांतर्गत झाली कारवाई

क्राईम;बारामती वार्तापत्र

बारामती उपविभागातील वडगाव निंबाळकर पोलीस स्टेशनचे हददीतील काही इसम अवैध दारूविकी करत
असल्याने त्यांचे विरुद्ध दारुबंदी कायदयान्वये वेळोवेळी गुन्हे दाखल करुन प्रतिबंधक कारवाई करण्यात आलेली होती,
परंतु सदरची कायदेशीर कारवाई करून देखील ते अवैध दारु विकी बंद करत नसल्याने त्यांचे विरुद्ध प्रचलित
कायदयाव्दारे कडक प्रतिबंधक कारवाई करणेचे आदेश मा. श्री. अभिनव देशमुख साो. पोलीस अधिक्षक, पुणे ग्रामीण यांनी
दिलेले होते.

वडगाव निंबाळकर पोलीस स्टेशनचे प्रभारी अधिकारी सहा पोलीस निरीक्षक श्री सोमनाथ विष्णु लांडे यांनी वडगाव निंबाळकर पोलीस स्टेशन चे गुन्हे विषयक अभिलेखावरील मौजे निंबुत ता. बारामती जि. पुणे येथे अवैध दारुव्रिकी करणारा प्रकाश चैनसिंग नवले वय ५२ वर्ष यांचे विरुद्ध वडगाव निंबाळकर पोलीस स्टेशन येथे सुमारे २५ दारुबंदी कायदयान्वये गुन्हे दाखल असलेने त्याचे एम. पी. डी. ए. कायदया अंतर्गत प्रस्ताव तयार करुन मंजुरी कामी मा. पोलीस अधिक्षक सो पुणे ग्रामीण यांचे मार्फतीने मा. जिल्हाधिकारी तथा जिल्हा दंडाधिकारी सो. पुणे यांचेकडे प्रस्ताव सादर करणेत आलेला होता.

सदर प्रस्तावाची पडताळणी करून मा. जिल्हाधिकारी तथा जिल्हा दंडाधिकारी सो पुणे यांनी प्रकाश चैनसिंग नवले वय ५२ वर्ष रा. निंबुत ता. बारामती जि.पुणे यांस एम.पी.डी.ए कायदयान्वये १ वर्ष स्थानबध्द करणेचे आदेश दिलेने आज रोजी सदर अवैध दारुविक्रेता प्रकाश चैनसिंग नवले यांस वडगाव निंबाळकर पोलीस स्टेशन कडून ताब्यात घेवुन त्यास येरवडा कारागृह पुणे येथे जमा करणेत आलेले आहे.

बारामती उपविभागातील वारंवार अवैध हातभटट्रीची दारु विकणा – या एकुण २० इसमांवर एम. पी. डी. ए कायदयातर्गंत कारवाई करणेसाठी यादी बनविण्यात आलेली असुन एकुण १५० इतर अवैध दारु विक्रेत्यांवर तडीपारीची कारवाई करणेत येणार असलेबाबत मा गणेश इंगळे सो उपविभागीय पोलीस अधिकारी बारामती यांनी सांगितलेले आहे.

सदरची कामगिरी ही मा.डॉ. अभिनव देशमुख सो पोलीस अधीक्षक, पुणे ग्रामीण, मा. श्री. मिलींद मोहीते सो अपर पोलीस अधीक्षक बारामती विभाग, मा. श्री गणेश इंगळे सो. उपविभागीय पोलीस अधिकारी बारामती उपविभाग, मा. श्री अशोक शेळके पोलीस निरीक्षक स्थागुशा पुणे ग्रामीण, यांचे मार्गदर्शनाखाली श्री सोमनाथ विष्णु लांडे सहा पोलीस निरीक्षक, पोसई श्री योगेश शेलार, पोसई सलीम शेख, स. फौ जगताप, पो. हवा / महेश बनकर, स्था. गु.शा, पुणे ग्रामीण तसेच वडगाव निंबाळकर पो.स्टे चे पो हवा. रमेश नागटिळक, दिपक वारुळे, पोलीस नाईक अमोल भोसले, नितीन बोराडे, पो.कॉ. महादेव साळुंके, पोपट नाळे, अमोल भुजबळ, म.पो.कॉ / प्राजक्ता जगताप यांचे पथकाने केली आहे.