डॉ.बाबासाहेब आंबेडकर सामाजिक विकास योजनेअंतर्गत इंदापूरसाठी तीन कोटींचा निधी मंजूर

डॉ.बाबासाहेब आंबेडकर सामाजिक विकास योजनेअंतर्गत इंदापूरसाठी तीन कोटींचा निधी मंजूर

राज्यमंत्री दत्तात्रय भरणे यांची माहिती

इंदापूर : प्रतिनिधी
डॉ.बाबासाहेब आंबेडकर सामाजिक विकास योजनेअंतर्गत सन २०२०-२१ साठी इंदापूर तालुक्यातील २५ गावांना सुमारे ३ कोटी २ लाख रुपयांचा निधी मंजूर करण्यात आल्याची माहिती राज्यमंत्री दत्तात्रय भरणे यांनी दिली.अनुसूचित जाती व नवबौद्ध घटकांना पायाभूत सुविधा उपलब्ध करून देण्यासाठी सामाजिक न्याय विभागाने भारतरत्न डॉ. बाबासाहेब आंबेडकर सामाजिक विकास योजना सुरू केली आहे.

त्या अनुषंगाने इंदापूर तालुक्यातील बोराटवाडी ८ लाख, निरगुडे १० लाख, गोतंडी १३ लाख, निरवांगी ५ लाख, अंथुर्णे ३२ लाख,भरणेवाडी ५ लाख, निंबोडी ६ लाख, सणसर ५ लाख, सपकळवाडी १५ लाख, जंक्शन ५ लाख, आनंदनगर ५ लाख,अकोले ११ लाख, लोणी देवकर ८ लाख, बोरी ३५ लाख, लाकडी २६ लाख, पोंधवडी ४ लाख, न्हावी २ लाख, अगोती नंबर दोन ५ लाख, लासुर्णे २१ लाख, शिरसटवाडी १० लाख, चाकाटी ९ लाख, जाचकवस्ती ७ लाख, शेळगाव २ लाख, वालचंदनगर ३० लाख, पिंपरी बुद्रुक २१ लाख असा २५ गावांसाठी निधी मंजूर करण्यात आला आहे.

त्यानुसार अनुसूचित जाती व नवबौद्ध घटकांसाठी कार्य करणाऱ्या मान्यवर व्यक्तींचे निगडित स्थळे, सांस्कृतिक व ऐतिहासिक दृष्ट्या महत्त्व असलेल्या स्थळांचा विकास करणे त्यांची स्मारके व सांस्कृतिक विकासकामे, वाचनालय-अभ्यासिका उद्यान विकसित करणे, व्यायाम शाळा, हायमस्ट दिवे, बंदिस्त गटारी, कॉंक्रीट रस्ते, नळ पाणीपुरवठा योजना यांचा यामध्ये प्रामुख्याने समावेश आहे.

नागरी व ग्रामीण क्षेत्रातील अनुसूचित जाती,नवबौद्ध घटकांच्या वस्त्यांचा तसेच गावांचा विकास करणेकामी सदरील मंजुरी देण्यात आली असून या योजनेच्या माध्यमातून गावांचा विकास होऊन एक आदर्श गाव निर्माण होण्यास मदत होणार आहे.