देवेंद्र फडणवीस यांचा उद्या नीरा नरसिंहपूर दौरा
स्वागत सभेचे आयोजन भाजप कार्यकर्त्यांमध्ये उत्साह
इंदापूर : प्रतिनिधी
राज्याचे विरोधी पक्षनेते देवेंद्र फडणवीस हे शुक्रवारी (दि.२०) श्री क्षेत्र नीरा नरसिंहपूर (ता. इंदापूर ) दौऱ्यावरती येत आहेत. यावेळी नीरा नरसिंहपूर ग्रामपंचायत कार्यालयासमोर दुपारी ४ वा. भाजप नेते व माजी मंत्री हर्षवर्धन पाटील यांचे उपस्थितीत भव्य स्वागत सभेचे आयोजन करण्यात आले आहे, अशी माहिती इंदापूर तालुका भाजपचे अध्यक्ष अँड.शरद जामदार यांनी दिली.
विरोधी पक्ष नेते देवेंद्र फडवणीस यांचे नीरा नरसिंहपूर येथे हेलिपॅडवर आगमन झालेनंतर ते कुलदैवत श्री लक्ष्मी-नृसिंहाचे दर्शन घेतील. त्यानंतर ग्रामपंचायत कार्यालयासमोर देवेंद्र फडणवीस यांच्या सत्कारासाठी भव्य स्वागत सभेचे आयोजन करण्यात आले आहे. या स्वागत सभेसाठी नागरिकांनी व कार्यकर्त्यांनी मोठ्या संख्येने उपस्थित राहावे, असे आवाहन भाजपचे तालुकाध्यक्ष अँड.शरद जामदार व शहराध्यक्ष शकील सय्यद यांनी केले आहे. दरम्यान, विरोधी पक्षनेते देवेंद्र फडणवीस यांच्या दौऱ्यामुळे भाजप कार्यकर्त्यांमध्ये उत्साही वातावरण निर्माण झाले आहे.
