धक्कादायक : आनंदवनच्या डॉ. शीतल आमटे यांची आत्महत्या; ‘अशी’ घडली घटना
ज्येष्ठ समाजसेवक बाबा आमटे यांची नात तर डॉ. विकास आणि डॉ. भारती आमटे यांची कन्या होत्या.
धक्कादायक : आनंदवनच्या डॉ. शीतल आमटे यांची आत्महत्या; ‘अशी’ घडली घटना
ज्येष्ठ समाजसेवक बाबा आमटे यांची नात तर डॉ. विकास आणि डॉ. भारती आमटे यांची कन्या होत्या.
मुंबई: बारामती वार्तापत्र
आनंदवन येथील महारोगी सेवा समितीच्या मुख्य कार्यकारी अधिकारी डॉ. शीतल आमटे यांनी आत्महत्या केली आहे. स्वतःला विषारी इंजेक्शन टोचून घेतल्याची माहिती दैनिक लोकमतने दिली आहे. मिळालेल्या माहितीनुसार आनंदवन येथील राहत्या घरात त्यांनी आत्महत्या केली. वरोरा उपजिल्हा रुग्णालयात उपचारासाठी नेले असता वैद्यकीय अधिकाऱ्यांनी त्यांना मृत घोषित केले.
डॉ. शीतल आमटे यांनी काही दिवसांपूर्वी फेसबुक लाइव्हच्या माध्यमांतून आनंदवानातील महारोगी सेवा समितीच्या कामाबद्दल, विश्वस्तांबद्दल आणि कार्यकर्त्यांबद्दल गंभीर आरोप केले होते. त्यानंतर दोन तासातच हे फेसबुक लाइव्ह डिलीट करण्यात आलं होतं. डॉ. शीतल आमटे यांच्या या फेसबुक लाइव्हनंतर अनेक चर्चांना उत आला होता.
त्यानंतर आमटे कुटुंबांकडून जारी करण्यात आलेल्या निवेदनात शीतल आमटेंनी केलेले आरोप फेटाळून लावले होते.
कोण होत्या डॉ. शीतल आमटे :-
ज्येष्ठ समाजसेवक बाबा आमटे यांची नात तर डॉ. विकास आणि डॉ. भारती आमटे यांची कन्या होत्या. ज्येष्ठ समाजसेवक बाबा आमटे यांनी स्थापन केलेल्या महारोगी सेवा समितीच्या डॉ. शीतल आमटे-करजगी या मुख्य कार्यकारी अधिकारी होत्या.
