धक्कादायक घटना ,राष्ट्रवादी काँग्रेसचे नेते;रोहिणी खडसे यांच्या गाडीवर दगडफेक, अज्ञातांकडून हल्ला
मुक्ताईनगरकडे येत असताना हा हल्ला करण्यात आला.
धक्कादायक घटना ,राष्ट्रवादी काँग्रेसचे नेते;रोहिणी खडसे यांच्या गाडीवर दगडफेक, अज्ञातांकडून हल्ला
मुक्ताईनगरकडे येत असताना हा हल्ला करण्यात आला.
जळगाव : प्रतिनिधी
राष्ट्रवादी काँग्रेसचे नेते एकनाथ खडसे यांच्या कन्या रोहिणी खडसे आणि शिवसेनेचे आमदार चंद्रकांत पाटील यांच्यात शाब्दिक चकमक झाली. हा वाद अजून संपलेला नाही तोच आता रोहिणी खडसे यांच्या गाडीवर अज्ञातांनी दगडफेक करत हल्ला केल्याची धक्कादायक घटना घडली आहे. मुक्ताईनगरकडे येत असताना हा हल्ला करण्यात आला. या हल्ल्यात त्यांच्या गाडीची किरकोळ तोडफोड झाली असून रोहिणी खडसे यांना कोणतीही दुखापत झालेली नाही.
मुक्ताईनगरकडे येत असताना अज्ञाताकडून हल्ला
मिळालेल्या माहितीनुसार रोहिणी खडसे मुक्ताईनगर तालुक्यातील चांगदेव येथे हळदी समारंभात सहभागी होण्यासाठी गेल्या होत्या. या कार्यक्रमाला हजेरी लावून त्या मुक्ताईनगरकडे आपल्या गाडीत परत येत होत्या. यावेळी त्यांच्या वाहनावर अज्ञात व्यक्तीने अचानकपणे हल्ला केला. यामध्ये रोहिणी खडसे प्रवास करत असलेल्या कारचा काच फुटला आहे. तर खडसे यांना कोणतीही दुखापत झाली नसल्याची प्राथमिक माहिती देण्यात आलीय.
‘रोहिणी खडसे यांच्या गाडीवर थोड्या वेळापुर्वी प्राणघातक हल्ला हल्लेखोरांनी केला,एक महिला सक्षमपणे मतदारसंघात काम करीत असताना असे भ्याड हल्ले करणारे निर्दोष सुटता कामा नये, मग ते कोणीही असो. जळगाव पोलीस अधीक्षकांनी तातडीने हल्लेखोरांचा तपास करुन कडक कारवाई करावी’ अशी मागणी चाकणकर यांनी केली.
मुक्ताईनगरमध्ये शिवसेना आणि राष्ट्रवादीत वाद विकोपाला
दरम्यान, जळगावात शिवसेना राष्ट्रवादी यांचा वाद चांगलाच विकोपाला गेला असून शिवसेनेचे आमदार चंद्रकांत पाटील व राष्ट्रवादीच्या नेत्या रोहिणी खडसे यांच्यातील आरोप-प्रत्यारोपनंतर मुक्ताईनगर येथे शिवसेनेच्या कार्यकर्त्यांनी आमदार चंद्रकांत पाटील यांना चोप देण्याचे वक्तव्य करणाऱ्या रोहिनी खडसे यांना अटक करा व परस्पर विरोधी दाखल गुन्ह्यातील राष्ट्रवादीच्या कार्यकर्त्याला अटक करा या मागणीसाठी पोलीस स्टेशन समोर ठिय्या मांडला होता. शिवसेनेच्या कार्यकर्त्यांनी रोहिणी खडसे यांचा विरोधात घोषणाबाजी करत परस्पर विरोधी दाखल गुन्ह्यातील राष्ट्रवादीच्या कार्यकर्त्याला अद्याप पर्यंत अटक का केली नाही याचा देखील शिवसेनेच्या कार्यकर्त्यांनी पोलिसांना जाब विचारत पोलिसांना घेराव घातला होता.
