प्रचाराच्या रणधुमाळीत पवारांच्या घरी सनई – चौघडे!लग्नाची तारीख, विवाहस्थळ ठरलं; बारामती नाही तर…

प्रचाराच्या रणधुमाळीत पवारांच्या घरी सनई – चौघडे!लग्नाची तारीख, विवाहस्थळ ठरलं; बारामती नाही तर…

युगेंद्र पवार या सोहळ्यामुळे स्थानिक स्वराज्य संस्थांच्या निवडणुकीत सहभागी होणार नाहीत.

बारामती वार्तापत्र 

राज्यातील स्थानिक स्वराज्य संस्थांच्या निवडणुकीच्या पार्श्वभूमीवर पवार कुटुंबात एका खासगी सोहळ्याची लगबग रंगणार आहे. राज्यातील निवडणुकीसाठी २ डिसेंबर रोजी मतदान होणार असून, नोव्हेंबरच्या शेवटच्या दोन आठवड्यांत नगरपरिषद आणि नगरपालिकेच्या प्रचारात गजबज असेल.

याच दरम्यान, राज्यसभा खासदार शरद पवार आणि उपमुख्यमंत्री अजित पवार यांच्या घरात शरद पवारांच्या नातू युगेंद्र पवारांचा विवाह सोहळा पार पडणार आहे.

या सोहळ्यामुळे पवार कुटुंबातील राजकीय मतभेद एका बाजूला ठेवून सर्व सदस्य एकत्रितपणे एकाच ठिकाणी दिसणार आहेत. युगेंद्र पवार या सोहळ्यामुळे स्थानिक स्वराज्य संस्थांच्या निवडणुकीत सहभागी होणार नाहीत, हे त्यांच्या आत्या आणि खासदार सुप्रिया सुळे यांनी स्पष्ट केले आहे. युगेंद्र यांनी विधानसभेत अजित पवारांविरुद्ध बारामती मतदारसंघातून उभे राहणे नियोजित आहे, त्यामुळे स्थानिक निवडणुकींपासून ते दूर राहणार आहेत.

हा सोहळा कोणता?

ज्या सोहळ्याबद्दल आपण बोलतोय तो सोहळा आहे, शरद पवारांचे नातू युगेंद्र पवार यांच्या लग्नाचा! युगेंद्र पवारांच्या लग्नाची तारीख आणि ठिकाण कोणतं असणार म्हणजेच वेडिंग डेस्टिनेशन कोणतं ही माहिती समोर आली आहे. युगेंद्र पवार हे बारामती नगरपरिषदेची निवडणूक लढवणार नसल्याचं त्यांची आत्या आणि खासदार सुप्रिया सुळे यांनी स्पष्ट केलं आहे. विधानसभेला चुलते अजित पवार यांच्याविरुद्ध बारामती मतदारसंघातून उभे राहिलेले युगेंद्र स्थानिक स्वराज्य संस्थांच्या निवडणुकींपासून खासगी कारणामुळे दूर राहणार आहेत. काही महिन्यांपूर्वीच युगेंद्र यांचा तनिष्का कुलकर्णीशी साखरपुडा झाला आहे. आता या दोघांच्या लग्नाची तारीख आणि लग्न कुठे असणार आहे हे सुद्धा समोर आलं आहे.

या तारखेला अन् इथं होणार लग्न

युगेंद्र पवार आणि तनिष्का कुलकर्णी यांचा विवाह सोहळा 30 नोव्हेंबर रोजी पार पडणार असल्याची माहिती समोर आली आहे. विशेष म्हणजे पवार कुटुंबाचं मूळ गाव असलेल्या ठिकाणी किंवा कर्मभूमि असलेल्या बारामतीमध्ये हा सोहळा पार पडणार नाहीये. शरद पवारांच्या नातवाचा विवाह सोहळा मुंबईतील प्रतिष्ठित अशा वांद्रे कुर्ला संकुलात म्हणजेच बीकेसीमध्ये पार पडणार आहे.

तनिष्का कुलकर्णी आहे कोण?

3 ऑगस्ट रोजी मुंबईतील प्रभादेवी येथील इंडियाबुल्स इमारतीत हॉलमध्ये युगेंद्र पवार आणि तनिष्का कुलकर्णी यांच्या साखरपुड्याचा खासगी कार्यक्रम पार पडला. या सोहळ्याला संपूर्ण पवार कुटुंब उपस्थित होतं. तनिष्का कुलकर्णी मूळच्या मुंबईतील असून त्यांचे वडील नामवंत उद्योगपती आहेत. मुंबईतील प्रभादेवी परिसरातील तनिष्का राहतात. परदेशात उच्च शिक्षण पूर्ण करणाऱ्या तनिष्का यांचे शालेय शिक्षण मुंबईतच झाले आहे. लंडनमधील कास बिझनेस स्कूलमध्ये त्यांनी फायनान्स क्षेत्रात पदवी घेतली आहे.