बारामतीजवळ चार वाहनांच्या विचित्र अपघातात अनेक प्रवासी जखमी

बारामतीजवळ चार वाहनांच्या विचित्र अपघातात अनेक प्रवासी जखमी

अपघाताचे कारण ओव्हरटेक असल्याचे काही प्रत्यक्षदर्शींनी सांगितले.

बारामती वार्तापत्र
ओव्हरटेक करण्याच्या प्रयत्नात झालेल्या अपघातात चार वाहने पल्टी होऊन अपघात झाल्याची घटना घडली आहे. मोरगाव बारामती रस्त्यावर मेडद नजीक पेट्रोलपंपासमोर हा भीषण अपघात झाला.

दोन पिकअप गाड्या, एक इको कार तसेच एक तवेरा अशा चार गाड्यांचा विचित्र अपघात झाला. या वाहनांतून प्रवास करणारे लोक जखमी झाले. मात्र नेमकी आकडेवारी समजू शकली नाही.

या अपघाताची माहिती मिळताच सिल्व्हर ज्युबिली रुग्णालयाचे वैद्यकीय अधीक्षक डॉ. सदानंद काळे यांनी तात्काळ रुग्णवाहिका घटनास्थळी पाठवल्या. अपघातग्रस्तांना तातडीने वैद्यकीय मदत मिळण्यास मदत झाली. बारामती तालुका पोलिसही अपघाताची माहिती मिळताच घटनास्थळी पोहोचले.

अपघाताचे कारण ओव्हरटेक असल्याचे काही प्रत्यक्षदर्शींनी सांगितले. रस्त्याचे सुरु असलेले काम व भरधाव वेगाने वाहने चालविण्याच्या प्रकारामुळे अपघात झाल्याचे काही प्रत्यक्षदर्शींनी सांगितले.