बारामती चे सुपुत्र अल्ताफ शेख यांची गरुड झेप आयपीएस अधिकारी पदी निवड
अल्ताफ शेख हा तरुण जिद्द व चिकाटीच्या जोरावर आयपीएस पदी विराजमान झाला आहे. शाळेत असताना भजी व चहा विक्रीचे काम करून आपल्या आजीला त्याने मदत केलेली आहे. घरची परिस्थिती हालाखीची असतानाही अल्ताफ शेख यांनी परिस्थितीचे कारण पुढे न करता जिद्दीने अभ्यास करून हे पद मिळवले.
बारामती चे सुपुत्र अल्ताफ शेख यांची गरुड झेप आयपीएस अधिकारी पदी निवड
अल्ताफ शेख हा तरुण जिद्द व चिकाटीच्या जोरावर आयपीएस पदी विराजमान झाला आहे. शाळेत असताना भजी व चहा विक्रीचे काम करून आपल्या आजीला त्याने मदत केलेली आहे. घरची परिस्थिती हालाखीची असतानाही अल्ताफ शेख यांनी परिस्थितीचे कारण पुढे न करता जिद्दीने अभ्यास करून हे पद मिळवले.
बारामती वार्तापत्र
बारामती तालुक्यातील ग्रामीण भागातील तरुणांना स्पर्धा परिक्षांना सामोरे जाण्यासाठी मदत व्हावी या उद्देशाने बारामतीत उपमुख्यमंत्री अजित पवार व सुनेत्रा पवार यांच्या पुढाकारातून राष्ट्रवादी करिअर ॲकॅडमी सुरु केली आहे. याच अॅकॅडमीतून शिक्षण घेतलेला अल्ताफ शेख हे आयपीएस अधिकारी बनले आहेत.
अल्ताफ यांची कहाणी तरुणांसाठी प्रेरणादायी ठरली आहे. केंद्रीय लोकसेवा आयोगाची परिक्षा देत असताना या अगोदर असिस्टंट कमांडट बनले होते.
शनिवारी (दि. २५) उपमुख्यमंत्री अजित पवार यांनी शेख यांचे कौतुक करून त्यांचा आदर्श अन्य तरुणांनी घ्यावा असे आवाहन केले. यापूर्वी तालुक्यातील प्रशांत होळकर व विक्रमसिंह खलाटे हे आयपीएस झाले आहेत. या दोघांच्याही कामाचे अजित पवार यांनी कौतुक केले.
अल्ताफ शेख यांची कहाणी तरुणांसाठी प्रेरणादायी –
बारामती तालुक्यातील ग्रामीण भागातील तरुणांना स्पर्धा परिक्षांना सामोरे जाण्यासाठी मदत व्हावी या उद्देशाने बारामतीत उपमुख्यमंत्री अजित पवार व सुनेत्रा पवार यांच्या पुढाकारातून राष्ट्रवादी करिअर अकॅडमी सुरु करण्यात आली आहे. याच अकॅडमीतून शिक्षण घेतलेला अल्ताफ शेख आज आयपीएस अधिकारी बनला आहे. अल्ताफ शेख यांची कहाणी तरुणांसाठी प्रेरणादायी ठरली आहे.
सध्या इंटेलिजन्स ऑफिसर म्हणून उस्मानाबाद येथे कार्यरत –
केंद्रीय लोकसेवा आयोगाची परीक्षा देत असताना या अगोदर असिस्टंट कमांडट बनले होते. इस्लामपूर येथे नवोदय विद्यालयात शिक्षण घेतलेले अल्ताफ यांनी फूड टेक्नॉलॉजीतून बी.टेक.ची पदवी प्राप्त केली आहे. २०१३ पासून ते बारामतीत वास्तव्यास आहेत. तर सध्या इंटेलिजन्स ऑफिसर म्हणून उस्मानाबाद येथे कार्यरत आहेत. राष्ट्रवादी करिअर अकॅडमीमधून आजपर्यंत ४७ तरूण राजपत्रित अधिकारी बनले आहेत.
‘माझ्या काकांनी कर्ज काढून शिक्षण करण्यासाठी मदत केली’
आयपीएस म्हणून निवड झाल्यावर अल्ताफ शेख म्हणाले की, स्पर्धा परीक्षेचा अभ्यास करत असताना उपमुख्यमंत्री अजित पवार, सुनेत्रा पवार यांनी पुण्यात मदत केली तर माझ्या काकांनी कर्ज काढून शिक्षण करण्यासाठी मदत केली. तर राष्ट्रवादी करियर अकॅडमी येथील समीर मुलाणी यांनी वेळोवेळी मदत व मार्गदर्शन केले असे त्यांनी सांगितले
