बारामती तालुक्यातील वडगाव पोलिसांची धडक कारवाई! वेश्‍याव्यवसायासाठी घेऊन जाताना दोघींची सुटका
कारवाईतून आणखी मोठे रॅकेट उघड होण्याची शक्यता आहे.
बारामती तालुक्यातील वडगाव पोलिसांची धडक कारवाई! वेश्‍याव्यवसायासाठी घेऊन जाताना दोघींची सुटका
कारवाईतून आणखी मोठे रॅकेट उघड होण्याची शक्यता आहे.
बारामती वार्तापत्र
वेश्या व्यवसायाच्या जाळ्यात अडकवण्यासाठी जबरदस्तीने दोन महिलांना चारचाकी गाडीतून नेत असताना वडगाव निंबाळकर पोलिसांनी मोठी कारवाई करीत महिलांची सुटका केली आहे.
याप्रकरणी दोघांना अटक करण्यात आली आहे. पीडित महिलांच्या फिर्यादीवरून वडगाव निंबाळकर पोलीस ठाण्यात भारतीय न्याय संहिता कलम १४०(३), १४३(३), १४४(२), ३(५) तसेच महिला व मुली अनैतिक व्यापार प्रतिबंध अधिनियम कलम ४ व ५ अन्वये गुन्हा दाखल करण्यात आला आहे.
सुयोग हिंदुराव खताळ (रा. कापडगाव, लोणंद, ता. फलटण, जि. सातारा) प्रीतम आप्पासाहेब घुले (रा. कापडगाव, लोणंद ता. फलटण, जि. सातारा), अशी गुन्हा दाखल करण्यात आलेल्या आरोपींची नावे आहेत. वडगाव पोलिसांनी दिलेल्या माहितीनुसार, पोलीस पथक पेट्रोलिंग करीत असताना लाल रंगाची काळ्या काचा असलेली संशयित गाडी फिरत असल्याची माहिती मिळाली.
लगेचच पोलिसांनी नाकाबंदी करून गाडीला थांबवले. पाहणी केली असता गाडीत दोन पुरुष आणि दोन महिला आढळून आले. त्यांची चौकशी महिला पोलीस कर्मचाऱ्यांच्या उपस्थितीत केली. चौकशीत पीडित महिलांनी सांगितले की, त्यांना पैशाचे आमिष दाखवून पुण्यातील हडपसर येथून बेकायदेशीर पद्धतीने लोणंद येथे आणले होते. आरोपी त्यांना जबरदस्तीने वेश्या व्यवसायात ढकलण्याचा प्रयत्न करत होते. याआधीही त्यांना अशाच प्रकारे लोणंद परिसरात आणून अवैध व्यवसाय करण्यास भाग पाडण्यात आले होते.
ही कारवाई पुणे ग्रामीण पोलीस अधीक्षक संदीपसिंह गिल्ल, अप्पर पोलीस अधीक्षक गणेश बिरादार, उपविभागीय पोलीस अधिकारी बारामती उपविभाग सुदर्शन राठोड यांच्या मार्गदर्शनाखाली पोलिस निरीक्षक विलास नाळे, सहाय्यक पोलीस निरीक्षक नागनाथ पाटील, पोलीस उपनिरीक्षक राहुल साबळे, पोलीस उपनिरीक्षक डी. एस. वारुळे, पोलीस हवालदार अमोल भोसले, एस.पी. देशमाने, रमेश नागटिळक, कुंडलिक कडवळे, पोपट नाळे, निलेश जाधव व नागनाथ परगे यांच्या पथकाने केली आहे.
