महाराष्ट्र हॉकी संघात अनेकान्तच्या कु. चैतन्या खोरेची निवड

दि १२ ते १४ नोव्हेंबर दरम्यान नांदेड येथे झालेल्या १७
वर्षाखालील शालेय राज्यस्तरीय हॉकी स्पर्धा पार पडल्या. त्यामध्ये शालेय राज्यस्तरीय निवड चाचणी घेण्यात आली या निवड चाचणीमधून महाराष्ट्र राज्याचा १७ वर्षाखालील मुलींचा हॉकी संघ निवडण्यात आला.

सदर महाराष्ट्र हॉकी संघामध्ये अनेकान्त इंग्लिश मिडियम स्कूलची इ. १० वी तील विद्यार्थीनी कु. चैतन्या शरद खोरे हिची १७ वर्षाखालील मुलींच्या महाराष्ट्र शालेय हॉकी संघात निवड झाली आहे. सदर संघ दि. २२ ते २७ नोव्हेंबर दरम्यान रोहतक (हरियाणा) याठिकाणी होणाऱ्या ६८ व्या १७ वर्षाखालील शालेय राष्ट्रीय हॉकी स्पर्धेत सहभाग होणार आहे.

स्कूलचे क्रीडा शिक्षक राहुल लोखंडे यांचे तिला अनमोल मार्गदर्शन लाभले अनेकान्त एज्युकेशन सोसायटीचे अध्यक्ष, सचिव तसेच शाळा समितीचे अध्यक्ष श्री चंद्रवदन शहा मुंबईकर त्याचबरोबर शाळा व्यवस्थापन समिती व स्कूलच्या प्राचार्या यांनी कौतुक करत शुभेच्छा दिल्या.