माळेगाव सहकारी साखर कारखान्यात अजित पवार यांनी बाजी मारली ;21 पैकी 20 उमेदवार विजयी

माळेगाव सहकारी साखर कारखान्यात अजित पवार यांनी बाजी मारली ;21 पैकी 20 उमेदवार विजयी

विरोधकांना केवळ एकाच जागेवर यश

बारामती वार्तापत्र

संपूर्ण जिल्ह्याचे लक्ष लागलेल्या माळेगाव सहकारी साखर कारखाना निवडणुकीचा निकाल आता जाहीर झाले आहेत. उपमुख्यमंत्री अजितदादा पवार यांच्या नेतृत्वाखाली उभा करण्यात आलेल्या निळकंठेश्वर पॅनलला मोठी विजयी आघाडी मिळाली आहे. अजित पवारांच्या पॅनलचे 21 पैकी 20 उमेदवार विजयी झाले आहेत. जेष्ठ नेते शरद पवार आणि चंद्रराव तावरे यांच्या दोन्ही पॅनलला मोठा धक्का बसला असून शरद पवारांच्या पॅनलमधील सर्वच उमेदवारांना पराभवाचा धक्का बसला आहे. तर चंद्रराव तावरे यांच्या पॅनलमधील ते स्वतःच फक्त निवडून आले आहेत.

बारामती तालुक्यातील माळेगाव सहकारी साखर कारखान्याच्या निवडणुकीत जेष्ठ नेते शरदचंद्र पवार यांच्या गटाने बळीराजा सहकार पॅनल उभे केले होते. या पॅनलचे नेतृत्व युगेंद्र पवार हे करत होते मात्र या पॅनलमधील सर्वच उमेदवारांचा पराभव झाला आहे तर अजित पवारांनी उभ्या केलेल्या निळकंठेश्वर पॅनलचे 21 पैकी 20 उमेदवार निवडून आले असून चंद्रराव तावरे हे एकमेव विरोधी उमेदवार येथे निवडून आले आहेत. या निवडणुकीत उपमुख्यमंत्री अजित पवार हे स्वतः निवडणूक लढवत होते. ते ‘ब वर्ग’ गटातून सर्वप्रथम विजयी झाले.

माळेगाव सहकारी साखर कारखाना निवडणुकीसाठी चार पॅनल उभे होते. अजित पवारांचे निळकंठेश्वर पॅनल, शरद पवारांच्या नेतृत्वाखालील बळीराजा सहकार बचाव पॅनल, भाजप नेते चंद्रराव तावरे-रंजन तावरे यांचे सहकार बचाव शेतकरी पॅनल आणि कष्टकरी शेतकरी समिती अपक्षांचे एक असे चार पॅनल रिंगणात होते. यात अजितदादा यांच्या पॅनलने एकतर्फी विजय मिळवला आहे.

माळेगाव सहकारी साखर कारखान्यासाठी २२ जून रोजी मतदान प्रक्रिया पार पडली होती. त्यानंतर काल दि. २४ व आज दि. २५ जून अशा दोन दिवस सलग मतमोजणी करण्यात आली. सुरुवातीपासूनच अजितदादांच्या नेतृत्वाखालील निळकंठेश्वर पॅनलच्या उमेदवारांनी आघाडी घेतल्याचं पाहायला मिळालं. मात्र अन्य गटात आम्ही पुढे जाऊ असाच विश्वास विरोधक व्यक्त करत होते. एवढ्यावरच न थांबता या निवडणुकीत केवळ उपमुख्यमंत्री अजित पवार हे निवडून येतील असा दावा केला जात होता.

दरम्यान, काल आणि आज झालेल्या मतमोजणीमध्ये निळकंठेश्वर पॅनलच्या सर्वच उमेदवारांना सभासदांनी उत्स्फूर्त मतदान केल्याचं दिसून आलं. बारामती, सांगवी आणि महिला राखीव गटात चुरशीच्या लढती झाल्या. त्यामध्ये विरोधकांना केवळ सांगवी गटातून विजय मिळाला आहे. चंद्रराव तावरे यांचा बालेकिल्ला असलेल्या या गटातील बढत लक्षवेधी ठरली असली, तरी येथून निळकंठेश्वर पॅनलचे दोन उमेदवार निवडून आले आहेत.

 विजयी उमेदवार

ब वर्ग प्रतिनिधी

अजित पवार यांना मिळालेली मते (श्री निळकंठेश्वर पॅनल) 91

भालचंद्र देवकाते यांना मिळालेली मते (सहकार बचाव पॅनल) 10

यात अजित पवार 91 मतांनी विजयी (श्री निळकंठेश्वर पॅनल)

अनुसूचित जाती जमाती मतदारसंघ

रतनकुमार साहेबराव भोसले(श्री निळकंठेश्वर पॅनल) 8670

बापूराव आप्पा गायकवाड (सहकार बचाव पॅनल) 7183

यात 1487 मताने रतनकुमार भोसले विजयी

इतर मागासवर्गीय प्रवर्ग

नितीन वामनराव शेंडे (श्री निळकंठेश्वर पॅनल ) 8494 मते

रामचंद्र कोंडीबा नाळे (सहकार बचाव पॅनल) 7341

यात 1153 मतानी नितीन शेंडे विजयी. (श्री निळकंठेश्वर पॅनल)

भटक्या विमुक्त जाती जमाती प्रवर्ग

विलास ऋषिकांत देवकाते(श्री निळकंठेश्वर पॅनल)

सूर्याजी तात्यासो देवकाते (सहकार बचाव पॅनल)

यात 2227 मतांनी विलास देवकाते विजयी

महिला राखीव मतदारसंघ

संगीता बाळासाहेब कोकरे(श्री निळकंठेश्वर पॅनल) 8440
ज्योती मच्छिंद्रनाथ मुलमुले(श्री निळकंठेश्वर पॅनल) 7576
( अजित पवार गटाच्या या दोघीही महिला विजयी)

राजश्री बापूराव कोकरे(सहकार बचाव पॅनल) 7485 (अवघ्या 91 मतांनी राजश्री कोकरे यांचा पराभव)

माळेगाव गट क्रमांक एक सर्वसाधारण ऊस उत्पादक

शिवराज जाधवराव (श्री निळकंठेश्वर पॅनल) 8612
बाळासाहेब तावरे (श्री निळकंठेश्वर पॅनल) 7942
राजेंद्र बुरुंगले (श्री निळकंठेश्वर पॅनल) 8116
(वरील तीनही उमेदवार विजयी आहेत)

रंजनकुमार शंकरराव तावरे (सहकार बचाव पॅनल) 7353
संग्रामसिंह काटे (सहकार बचाव पॅनल) 6701
रमेश गोफणे (सहकार बचाव पॅनल) 6302

पणदरे गट क्रमांक 2

तानाजी कोकरे (श्री निळकंठेश्वर पॅनल) 8495
योगेश जगताप (श्री निळकंठेश्वर पॅनल) 8635
स्वप्नील जगताप (श्री निळकंठेश्वर पॅनल) 7933
(वरील तीनही उमेदवार विजयी आहेत)

रोहन कोकरे (सहकार बचाव पॅनल) 7083
रणजित जगताप (सहकार बचाव पॅनल) 6134
सत्यजित जगताप (सहकार बचाव पॅनल) 6232

सांगवी गट क्रमांक 3

गणपत खलाटे (श्री निळकंठेश्वर पॅनल) 8543
चंद्रराव तावरे (श्री निळकंठेश्वर पॅनल) 8163
विजय तावरे (श्री निळकंठेश्वर पॅनल) 7882
(सांगवी गटातून सहकार बचाव पॅनलचे चंद्राराव तावरे विजयी…. तर अजित पवार गटाचे गणपत खलाटे आणि विजय तावरे विजयी झाले आहेत.)

रणजित खलाटे (सहकार बचाव पॅनल) 7224
विरेंद्र तावरे (श्री निळकंठेश्वर पॅनल) 7289
संजय खलाटे (सहकार बचाव पॅनल) 6154

खांडज शिरवली गट क्रमांक 4

प्रताप आटोळे (श्री निळकंठेश्वर पॅनल) 8328
सतीश फाळके (श्री निळकंठेश्वर पॅनल) 8404
(वरील दोन्ही उमेदवार अजित पवार गटाचे विजयी)

विलास सस्ते (सहकार बचाव पॅनल) 6436
पोंदकुले मेघश्याम (सहकार बचाव पॅनल) 6422

निरावागज गट क्रमांक पाच

अविनाश देवकाते (श्री निळकंठेश्वर पॅनल) 8640
जयपाल देवकाते (श्री निळकंठेश्वर पॅनल) 8051
(वरील दोन्ही उमेदवार अजित पवार गटाचे विजयी)

केशव देवकाते (सहकार बचाव पॅनल) 6436
राजेश देवकाते (सहकार बचाव पॅनल) 6499

बारामती गटातून

नितीन सातव (श्री निळकंठेश्वर पॅनल) 7858

देवीदास गावडे (श्री निळकंठेश्वर पॅनल) 8028

शरद पवार गटाचे पॅनेल निष्प्रभ

माळेगाव सहकारी साखर कारखान्याच्या पंचवार्षिक निवडणुकीत उपमुख्यमंत्री अजित पवार यांचा श्री. निलकंठेश्वर पॅनेल व चंद्रराव तावरे, रंजन तावरे यांचा सहकार बचाव शेतकरी पॅनेल यांच्यातच खरी लढत होत असल्याचे निकालावरून दिसून आले. राष्ट्रवादीच्या शरदचंद्र पवार गटाने बळीराजा सहकार बचाव पॅनेलच्या माध्यमातून निवडणूक लढवली होती. परंतु हा पॅनेल निवडणुकीत कसलाही करिश्मा दाखवू शकलेला नाही. याशिवाय शेतकरी कष्टकरी समितीलाही फारशी चमक दाखवता आलेली नाही. मुख्य दोन्ही पॅनेलची धाकधूक मात्र या दोन पॅनेलने वाढवल्याचे दिसून आले.

मतमोजणीवेळी सुसंस्कृत राजकारणाची झलक

माळेगावसाठी मतमोजणी सुरु असताना उपमुख्यमंत्री अजित पवार यांच्या श्री. निलकंठेश्वर पॅनेलचे प्रचार प्रमुख व कारखान्याचे विद्यमान अध्यक्ष केशवराव जगताप व सहकार बचाव पॅनेलचे माजी अध्यक्ष रंजनकुमार तावरे यांची मतदान केंद्राबाहेर भेट झाली. या दोन्ही नेत्यांनी एकमेकांच्या खांद्यावर हात टाकत सुसंस्कृत राजकारणाची झलक दाखवून दिली.

नेमकं काय म्हणाले रंजन तावरे?

सभासदांनी दिलेल्या कौलाचा आम्ही स्वागत करोत. परंतू दारुण आमचा पराभव झाला नाही. या राज्याच्या उपमुख्यमंत्र्याला या माळेगाव कारखान्याच्या छोट्या निवडणुकीसाठी माळेगावमध्ये बारामतीमध्ये 8 दिवसं थांबावं लागलं. कॅबिनेट सोडून त्यांना इथं यावं लागलं. शेजारच्या मंत्र्यांना त्यांना बोलवावं लागलं, दोन आमदार बोलवावे लागले. जिल्ह्यातील संपूर्ण यंत्रणा कामाला लावावी लागली. 18 सभा घेण्याची वेळ त्यांच्यावर आली. 18 सभा घेऊन सुद्धा माळेगावचा सभासद शरण येत नाही म्हटल्यानंतर प्रचंड महालक्ष्मीचं दर्शन त्यांना द्यावं लागलं. त्यासाठी पुणे जिल्हा मध्यवर्ती बँक रात्री 11 ते 12 वाजेपर्यंत चालू ठेवावी लागली. पैशांची पॅकेट देऊन सकाळी 10 हजार, दुपारी 10 हजार सायंकाळी परत 5 हजार असे 25 हजार रुपयापर्यंतचे पैशांचे वाटप झाले, अशी दुर्दैवी वेळ अजित पवार यांच्यावर आली असल्याचे रंजन तावरे. या नेत्याला माझ्या सभासदांनी गुडघ्यावर आणलं, वाड्या वस्त्यावर फिरावं लागल्याचे रंजन तावरे म्हणाले.

….तरीही तुम्हाला 21-0 करता आलं नाही

उभ्या महाराष्ट्राचं लक्ष या निवडणुकीकडे लागलं होतं. माझ्या स्वाभिमानी सभासदांवर माझा विश्वास आहे, सगळ्या सत्तेचा गैरवापर त्यांनी केला. सगळ्यांना कामाला लावायचे काम अजित पवारांनी केल्याचे रंजन तावरे म्हणाले. माळेगावमध्ये असे काय विशेष होते, राज्याचे मुख्यमंत्री व्हायचे सोडून माळेगवाचे चेअरमन व्हायला निघालेत असे रंजन तावरे म्हणाले. तरीही तुम्हाला 21-0 करता आलं नाही असे रंजन तावरे म्हणाले. विकासाच्या नावावर तुम्ही मतं मागा. तुम्हाला सगळ्या निवडणुकांमध्ये पैसे वाटावे लागतात. ही वेळ तुमच्यावर का येते? असा सवाल यावेळी त्यांनी केला.

सत्तेचा प्रचंड गैरवापर, दबावतंत्र, प्रचंड लक्ष्मीदर्शन हेच आमच्या पराभवाचं कारण असल्याचे रंजन तावरे म्हणाले. आमचा स्वाभीमान आहे. आण्ही कुठेही मान झुकवणार नाही असेही रंजन तावरे म्हणाले. कार्यकर्त्यांचा विचार घेऊन पुढची लढाई लढली जाईल असे रंजन तावरे म्हणाले. आपण जे जाहीर आश्वासन दिले आहे, महाराष्ट्रातील कोणत्याही इतर कारखान्यापेक्षा जास्त दर माळेगाव कारखान्याला देणार, तो शब्द पूर्ण करा असे रंजन तावरे म्हणाले.