राज्याभिषेक दिनी लाडक्या दादांना अनोखी श्रद्धांजली रायगडावर शिवरायांच्या साक्षीने समर्पित मावळ्यांची मानवंदना; ‘दादा’ सदैव आठवणीत
श्रद्धांजली कार्यक्रमाने अनेकांना भावूक केले.
राज्याभिषेक दिनी लाडक्या दादांना अनोखी श्रद्धांजली
रायगडावर शिवरायांच्या साक्षीने समर्पित मावळ्यांची मानवंदना; ‘दादा’ सदैव आठवणीत
श्रद्धांजली कार्यक्रमाने अनेकांना भावूक केले.
बारामती वार्तापत्र
छत्रपती शिवाजी महाराजांच्या राज्याभिषेक दिनानिमित्त रायगड किल्ल्यावर शिवभक्त आणि मावळ्यांनी लाडक्या ‘दादा’ यांच्या स्मृतींना अनोख्या पद्धतीने अभिवादन केले. शिवरायांच्या पदस्पर्शाने पावन झालेल्या रायगडाच्या भूमीवर दादांच्या कार्याची आठवण जागवत त्यांच्या स्मृतींना श्रद्धांजली अर्पण करण्यात आली.
रयतेची प्रामाणिक सेवा, सर्वसामान्यांशी जपलेले नाते आणि समाजकारणातील योगदान यामुळे दादांनी जनमानसात वेगळे स्थान निर्माण केले होते. राज्याभिषेक दिनाच्या ऐतिहासिक क्षणी त्यांच्या आठवणींना उजाळा देत उपस्थितांनी भावपूर्ण श्रद्धांजली वाहिली.
यावेळी शिवरायांच्या जयघोषात आणि भगव्या पताकांच्या साक्षीने दादांच्या प्रतिमेस पुष्पहार अर्पण करण्यात आला. “शिवरायांच्या विचारांवर चालणाऱ्या आणि रयतेसाठी आयुष्य वाहणाऱ्या व्यक्तिमत्त्वाची आठवण सदैव जिवंत राहील,” अशा भावना उपस्थितांनी व्यक्त केल्या.
रायगडाच्या ऐतिहासिक वातावरणात झालेल्या या श्रद्धांजली कार्यक्रमाने अनेकांना भावूक केले. राज्याभिषेक दिनाचे औचित्य साधून दादांच्या कार्याचा वारसा आणि समाजसेवेची प्रेरणा पुढील पिढ्यांपर्यंत पोहोचविण्याचा संकल्पही यावेळी करण्यात आला.
