वंचित बहुजन आघाडीच्या उपाध्यक्षपदी अशोक देवकर
निवडीचे पत्र देऊन देवकर यांचे काैतुक…
इंदापूर,आदित्य बोराटे –
इंदापूर तालुक्यातील माळवाडी येथील अशोक देवकर यांची वंचित बहुजन आघाडीच्या इंदापूर तालुका उपाध्यक्षपदी निवड करण्यात आली आहे.
अशोक देवकर यांचा गेल्या अनेक वर्षापासून तळागाळातील लोकांपर्यंत दांडगा संपर्क तसेच वंचित बहुजन समाजासाठी केलेल्या योगदानाची दखल घेत जिल्हाध्यक्ष मंगलदास निकाळजे यांनी अशोक देवकर यांची इंदापूर तालुका उपाध्यक्षपदी निवड केली आहे.
यानिमित्त बारामती शहरातील प्रबुद्धनगर येथील कार्यालयात वंचित बहुजन आघाडीचे जिल्हाध्यक्ष मंगलदास निकाळजे, तालुकाध्यक्ष कीर्तीकुमार वाघमारे, सोमनाथ खानेवाले यांचे हस्ते निवडीचे पत्र देऊन देवकर यांचे काैतुक केले.
या निवडीबद्दल मित्र परिवार, पदाधिकाऱ्यांसह सर्वत्र त्यांचे कौतुक हाेत आहे. यापुढे वरिष्ठांच्या आदेशाने गावागावात नव्याने वंचित बहुजन आघाडीच्या शाखा स्थापन करून पक्ष संघटन मजबूत करण्यासाठी प्रयत्न करेल, अशी ग्वाही अशोक देवकर यांनी या वेळी दिली.
