वाढत्या रुग्णसंख्येच्या पार्श्वभूमीवर आरोग्य मंत्र्यांनी दिल्या ‘या’ महत्वपूर्ण सूचना,विद्यार्थ्यांच्या लक्षणांवर लक्ष ठेवा
विदर्भातील शाळा 29 जूनपासून सुरू होणार आहे.
वाढत्या रुग्णसंख्येच्या पार्श्वभूमीवर आरोग्य मंत्र्यांनी दिल्या ‘या’ महत्वपूर्ण सूचना,विद्यार्थ्यांच्या लक्षणांवर लक्ष ठेवा
विदर्भातील शाळा 29 जूनपासून सुरू होणार आहे.
प्रतिनिधी
राज्यातील शाळा येत्या १५ जूनपासून सुरु होणार आहेत. तर दुसरीकडे पुन्हा कोरोनाने डोकं वर काढलं आहे. दिवसेंदिवस कोरोना रुग्णांच्या संख्येत वाढ होत आहे. त्यामुळे वाढत्या कोरोना रुग्णसंख्येच्या पार्श्वभूमीवर आरोग्यमंत्री राजेश टोपे यांनी कोरोना लसीची दुसरी मात्रा घेण्याचे आवाहन केले आहे. तसेच विद्यार्थ्यांच्या लक्षणांवर लक्ष ठेवण्याच्या सूचनाही राजेश टोपे यांनी दिल्या आहेत.
राज्यात दिवसेंदिवस कोरोना रुग्णसंख्येत भर पडत असल्याने चिंता वाढाली आहे. मात्र आज थोडासा दिलासा मिळाला आहे. सध्या 15 हजार कोरोनाचे रुग्ण सक्रीय असली तरीही रुग्णालयात गर्दी नाही. सध्या फ्ल्युसारखे लक्षण रुग्णांमध्ये आढळत आहेत, अशी राजेश टोपे यांनी दिली आहे. तसेच, ज्या लोकांचे लसीकरण राहिल त्यांनी लस घ्यावी, असे आवाहन राजेश टोपे यांनी केले आहे.
रुग्णांची संख्या वाढत असली तरी शिक्षणात कोणतीच गोष्ट आडवी येणार नाही, असे स्पष्टीकरण राजेश टोपे यांनी दिले आहे. शाळेत मुलांच्या लक्षणांवर संस्था चालकांनी लक्ष ठेवावं अशा सूचना त्यांनी दिल्या आहेत.
दरम्यान, शालेय शिक्षणमंत्री वर्षा गायकवाड यांनी राज्यातील शाळा नियोजित वेळापत्रकारनुसारच सुरू होणार असल्याचे स्पष्टीकरण दिले आहे. सर्व काळजी घेऊनच शाळा सुरू करण्यात येतील, असेही त्यांनी सांगितले आहे. विदर्भ वगळता राज्यातील शाळा 15 जूनपासून सुरू होणार आहेत. तर, विदर्भातील शाळा 29 जूनपासून सुरू होणार आहे. तर, शाळेत विद्यार्थ्यांना मास्क घालणे अनिवार्य नसेल. तसेच, शाळांसाठीही नवीन एसओपी जारी आली आहे.
राज्यात २,९२२ रुग्णांची भर
या आठवड्यामध्ये सातत्याने रुग्णसंख्येमध्ये होत असलेली वाढ पाहता ही करोना संसर्गाची चौथी लाट आहे का, यासंदर्भात वैद्यकीय क्षेत्रामध्ये चर्चा सुरू झाली आहे. मुंबई, पुणे, ठाण्यासह राज्यातील काही जिल्ह्यांमध्ये रुग्णसंख्या वाढत असली तरीही करोनामुळे होणाऱ्या मृत्यूंची संख्या नियंत्रणात आहे. त्यात मोठ्या संख्येने वाढ झालेली नाही.राज्यात २,९२२ नवीन करोनाबाधितांचे निदान झाले. राज्यात सध्या १४,८५८ उपचाराधीन रुग्ण आहेत. राज्यात दिवसभरात १,३९२ करोनारुग्ण बरे होऊन घरी परतले, तर आजपर्यंत एकूण ७७ लाख ४४ हजार ९०५ करोनारुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९७.९४ टक्के इतके आहे.
