विज्ञान जत्रेत मराठी शाळेच्या विद्यार्थ्यांकडून शंभर प्रकल्प सादर 

विज्ञान जत्रेत मराठी शाळेच्या विद्यार्थ्यांकडून शंभर प्रकल्प सादर 

विज्ञान जत्रेत विद्यार्थ्यांनी प्रकल्प सादर केले

बारामती वार्तापत्र

सांगवी : राष्ट्रीय विज्ञान दिनाचे औचित्य साधून जिल्हा परिषद प्राथमिक शाळा सांगवी येथे विज्ञान जत्रेचे आयोजन करण्यात आले होते. या उपक्रमांमध्ये शाळेतील जवळपास दोनशे मुलांनी शंभराहून अधिक लहान-मोठे प्रकल्प सादर केले.

कार्यक्रमाचे उदघाटन उपसरपंच अनिल काळे,ग्रामपंचायत सदस्य प्रणव तावरे, सुधाकर जगताप, व इतर  मान्यवरांच्या  उपस्थितीत पार पडले. दैनंदिन जीवनातील विज्ञानावर आधारित वैज्ञानिक प्रयोगापासून रोबोटिक्स  पर्यंतचे अनेक प्रयोग विद्यार्थ्यांनी सादर केले.

हवेचा दाब,हवा जागा व्यापते,रोबोट,जेसीबी,ज्वलनासाठी ऑक्सिजनची आवश्यकता,उष्णतेचे संवहण,डान्सिंग बाॅल,द्रवाची घनता,पृथ्वीचे परिवलन व त्याचे परिणाम, रेषीय गती व त्याचे प्रकार,दो-यावर चालणारा ग्रामोफोन असे अनेक भन्नाट प्रयोग विद्यार्थ्यांनी सादर केले. भेट देणाऱ्या मान्यवरांनी व  ग्रामस्थांनी तसेच शिक्षकांनी मुलांकडून कुतुहलाने प्रयोगाबद्दल माहिती जाणून घेतली.

मुलेही मोठ्या उत्साहाने प्रयोगाचे सादरीकरण व त्याचे विश्लेषण करत होती. मुख्याध्यापिका छाया गायकवाड,शिक्षक मारुती जगताप,हर्षदा जगताप,संतोष पाथरकर,राजेंद्र सोनवणे,अश्विनी कुंभार,शांता बालगुडे,दिगंबर बालगुडे,संजय गायकवाड, सुनिता खलाटे,भाग्यश्री कलढोणे,संगीता झगडे सर्व शिक्षकांनी व विद्यार्थ्यांनी परिश्रम घेतले.