विद्या प्रतिष्ठान महाविद्यालयामध्ये जावा डेवलपमेंट ऑन स्प्रिंग अँड हायबरनेट या विषयावर कार्यशाळा संपन्न

विद्या प्रतिष्ठान महाविद्यालयामध्ये जावा डेवलपमेंट ऑन स्प्रिंग अँड हायबरनेट या विषयावर कार्यशाळा संपन्न

कार्यशाळेचे प्रमाणपत्र मान्यवरांच्या हस्ते वितरण करण्यात आले

बारामती वार्तापत्र

बारामती येथील विद्या प्रतिष्ठानचे कला विज्ञान व वाणिज्य महाविद्यालय मधील बी. बी. ए. (सी. ए.) विभागामार्फत जावा डेवलपमेंट ऑन स्प्रिंग अँड हायबरनेट या विषयावर कार्यशाळा आयोजित केली होती.

कार्यशाळा उद्घाटन प्रसंगी महाविद्यालयाचे प्राचार्य डॉ.भरत शिंदे, उपप्राचार्य डॉ. शामराव घाडगे , बी. बी. ए. (सी. ए.) विभाग प्रमुख महेश पवार, कार्यशाळेचे मार्गदर्शक श्री कृष्णकांत कदम, कॉर्नर ऑनडिमांड ,लीड सॉफ्टवेअर इंजिनीअरिंग,कल्याणी नगर ,पुणे उपस्थित होते. बी. बी. ए. (सी. ए.) विभाग प्रमुख महेश पवार यांनी आपल्या प्रास्तविकमध्ये कार्यशाळेची उद्दिष्ट व विभागामार्फत भविष्यात विद्यार्थ्यांना त्यांचे कौशल्य आणि ज्ञान वाढवण्यासाठी आयोजित करण्यात येणाऱ्या विविध उपक्रमाची माहिती दिली.

प्राचार्य डॉ. भरत शिंदे यांनी अशा प्रकारच्या , कार्यशाळेमुळे विद्यार्थ्यांना प्रोग्रॅमिंगच्या ज्ञानात नक्कीच भर पडेल व तसेच विद्यार्थ्यांना त्यांच्या करिअरमध्ये याचा नक्कीच फायदा होईल याबाबत मार्गदर्शन केले.

कार्यशाळेच्या दरम्यान कृष्णकांत कदम यांनी आयटी इंडस्ट्रीज मध्ये लागणाऱ्या स्प्रिंग अँड हायबरनेट या फ्रेमवर्क वर मार्गदर्शन केले, त्यानंतर त्यांनी सध्या मार्केट मध्ये चालू असलेल्या स्प्रिंग अँड हायबरनेट वरील वापरल्या जाणाऱ्या टूल बद्दल माहिती करून दिली.

तसेच कम्प्युटर भाषेतील स्प्रिंग बूट अँड हायबरनेट फ्रेमवर्क व त्यावरील वैशिष्ट्ये आणि व्यावहारिक अनुप्रयोगांचे तपशीलवार स्पष्टीकरण दिले.

कार्यशाळे मध्ये कम्प्युटर भाषेतील स्प्रिंग अँड हायबरनेट फ्रेमवर्क वरील प्रमुख वैशिष्ट्ये आणि प्रोग्रामिंग प्रकल्पांमध्ये त्यांचा प्रभावीपणे वापर कसा करायचा आणि त्या वरील प्रोग्राम उदाहरणे प्रयोगशाळेमध्ये करून दाखवली तसेच सध्या मार्केट मध्ये मोठ्या प्रमाणात कार्यभाग करणाऱ्या एआय चे इंडस्ट्री लेवल ला कसा वापर होतो इ. संबंधि विविध विषयांचा समावेश केला गेला होता.

सदर कार्यशाळेस बी.बी.ए.(सी.ए.) मधून ६० विद्यार्थ्यांनी सहभाग नोंदवला. कार्यशाळेला उपस्थित असणाऱ्या विद्यार्थ्यांनी चांगला प्रतिसाद दिला तसेच विद्यार्थ्यांना ती माहिती नाविन्यपूर्ण वाटली.

या कार्यशाळेचे प्रमाणपत्र मान्यवरांच्या हस्ते वितरण करण्यात आले. कार्यशाळेच्या समन्वयक म्हणून शुभांगी निकम यांनी काम पाहिले कार्यक्रमाचे सूत्रसंचालन वैशाली पेंढारकर यांनी केले तसेच शुभांगी निकम यांनी पाहुण्यांचा परिचय करून दिला.

कार्यक्रमाचे आभार पूनम गुंजवटे यांनी मानले. व्याख्यान यशस्वी होण्यासाठी विशाल शिंदे, अनिल काळोखे ,अक्षय भोसले,अक्षय शिंदे, कांचन खिरे, सतीश चौधर यांनी विशेष परिश्रम घेतले.