विद्या प्रतिष्ठान महाविद्यालयांमध्ये करीयर अपोरचुणीटीज इन इंडस्ट्रीज अँड जावा फ्रेमवर्क या विषयावर व्याख्यान संपन्न

विद्या प्रतिष्ठान महाविद्यालयांमध्ये करीयर अपोरचुणीटीज इन इंडस्ट्रीज अँड जावा फ्रेमवर्क या विषयावर व्याख्यान संपन्न

८५ विद्यार्थ्यांनी सहभाग नोंदवला.

बारामती वार्तापत्र 

बारामती येथील विद्या प्रतिष्ठानचे कला विज्ञान व वाणिज्य महाविद्यालयांमधील बी. बी. ए. (सी. ए.), विभागामार्फत करीयर अपोरचुणीटीज इन इंडस्ट्रीज अँड जावा फ्रेमवर्क या विषयावर व्याख्यान आयोजित केले होते .

व्याख्यानाच्या उद्घाटन प्रसंगी महाविद्यालयाचे प्राचार्य डॉ.भरत शिंदे, उपप्राचार्य डॉ. श्यामराव घाडगे , विभाग प्रमुख महेश पवार, व्याख्यानाच्या मार्गदर्शक श्रीमती अर्चना निगडे , ऑरेंज आयटेक ,सीईओ अँड डायरेक्टर ,पुणे उपस्थित होते.

विशाल शिंदे यांनी आपल्या प्रास्तविकमध्ये व्याख्यानाची उद्दिष्ट व विभागामार्फत भविष्यात विद्यार्थ्यांना त्यांचे कौशल्य आणि ज्ञान वाढवण्यासाठी आयोजित करण्यात येणाऱ्या विविध उपक्रमाची माहिती दिली .

प्राचार्य डॉ. भरत शिंदे यांनी अशा प्रकारच्या , व्याख्यानामुळे विद्यार्थ्यांना प्रोग्रॅमिंगच्या ज्ञानात नक्कीच भर पडेल व तसेच विद्यार्थ्यांना त्यांच्या करिअरमध्ये याचा नक्कीच फायदा होईल याबाबत मार्गदर्शन केले.

व्याख्यानाच्या दरम्यान अर्चना निगडे यांनी आयटी इंडस्ट्रीज मध्ये असणाऱ्या अपोरचुणीटीज वर मार्गदर्शन केले, त्यानंतर त्यांनी सध्या मार्केट मध्ये चालू असलेल्या कम्प्युटर भाषेतील फ्रेमवर्क वर माहिती करून दिली.

कम्प्युटर भाषेतील फ्रेमवर्क व त्यावरील वैशिष्ट्ये आणि व्यावहारिक अनुप्रयोगांचे तपशीलवार स्पष्टीकरण दिले. व्याख्यानामध्ये कम्प्युटर भाषेतील फ्रेमवर्क वरील प्रमुख वैशिष्ट्ये आणि प्रोग्रामिंग प्रकल्पांमध्ये त्यांचा प्रभावीपणे वापर कसा करायचा इ. संबंधि विविध विषयांचा समावेश केला गेला होता. सदर व्याख्यानास बी.बी.ए.(सी.ए.), बीएससी (सी.एस) मधून ८५ विद्यार्थ्यांनी सहभाग नोंदवला.

व्याख्यानाला उपस्थित असणाऱ्या विद्यार्थ्यांनी चांगला प्रतिसाद दिला तसेच विद्यार्थ्यांना ती माहिती नाविन्यपूर्ण वाटली. व्याख्यानाच्या समन्वयक म्हणून प्रा. शुभांगी निकम यांनी काम पाहिले . कार्यक्रमाचे सूत्रसंचालन वैशाली पेंढारकर यांनी केले तसेच शुभांगी निकम यांनी पाहुण्यांचा परिचय करून दिला.

कार्यक्रमाचे आभार पूनम गुंजवटे यांनी मानले व्याख्यान यशस्वी होण्यासाठी अनिल काळोखे ,अक्षय भोसले ,अक्षय शिंदे, ,कांचन खिरे यांनी विशेष परिश्रम घेतले.