जनतेचे नाव समोर करून बिल्डरांचा फायदा करण्यासाठी हे सरकार निघालंय- देवेंद्र फडणवीस

जनतेचे नाव समोर करून बिल्डरांचा फायदा करण्यासाठी हे सरकार निघालंय- देवेंद्र फडणवीस

महाविकास आघाडी सरकारवर देवेंद्र फडणवीस यांनी केली घणाघाती टीका

बारामती वार्तापत्र

आज दि.२४ डिसेंबर रोजी विधानसभेचे विरोधीपक्ष नेते माजी मुख्यमंत्री देवेंद्र फडणवीस यांनी इंदापूर तालुक्यातील नीरा-भीमा नद्यांच्या संगमावर असणाऱ्या निरा नरसिंहपुर येथील श्री लक्ष्मी नृसिंहाचे दर्शन घेतले.लक्ष्मी नृसिंह हे फडणवीस यांचे कुलदैवत असून ते नेहमी दर्शनासाठी याठिकाणी येत असतात.

यावेळी पत्रकारांशी बोलताना फडणवीस म्हणाले की,काल मंत्रिमंडळामध्ये बिल्डरांचा प्रीमियम कमी करण्यासंदर्भात जी वादावादी झाली ती जनहिता करता होती की स्व:हिता करता होती. याचे उत्तर निश्चितपणे जनतेला हवे आहे. विशेषतः प्रिमियम कमी केल्यानंतर त्याचा जनतेला लाभ होणार आहे का? हा प्रश्न आहे.प्रीमियम कमी करण्याच्या पाठीमागे नेमके काय गौडबंगाल आहे. यासंदर्भातही अनेक चर्चा समोर येत आहेत. हे सरकार जनतेचे नाव समोर करून बिल्डरांचा फायद करायला निघाले आहे असा घणाघाती आरोप देखील देवेंद्र फडणवीस यांनी महाविकास आघाडीवर केला.

पुढे बोलताना फडणवीस म्हणाले की,मंत्रिमंडळातील मतभेद आहेत की नाही हे माहिती नसून विजेची भरमसाठ बिले कमी करत नाहीत. गरिबाला सुट द्यायला पैसे नाहीत. दुसरीकडे मात्र दारू परवान्यावर कोविडचा असर झाल्यामुळे त्याची फी कमी करण्यासाठी सरकारकडून प्रयत्न केला जातोय हे मात्र आश्चर्यकारक असल्याचे देखील फडणवीस यांनी म्हटले आहे.

यावेळी माढ्याचे खासदार रणजितसिंह नाईक निंबाळकर, माजी मंत्री हर्षवर्धन पाटील, आमदार रणजितसिंह मोहिते पाटील ,प्रशांत परिचारक उपस्थित होते.