वीस वर्षांनंतर सांगवी ग्रामपंचायतीवर राष्ट्रवादीचा झेंडा सरपंचपदी चंद्रकांत तावरे,उप अनिल काळे यांची निवड

वीस वर्षांनंतर सांगवी ग्रामपंचायतीवर राष्ट्रवादीचा झेंडा सरपंचपदी चंद्रकांत तावरे,उप अनिल काळे यांची निवड

निवडीनंतर ढोल-ताशांचा गजर करून फटाक्यांच्या आतषबाजीत गुलालाची उधळण करीत समर्थकांनी जल्लोष केला.

बारामती वार्तापत्र

सांगवी ग्रामपंचायतीच्या सरपंचपदी चंद्रकांत निवृत्ती तावरे व उपसरपंचपदी अनिल विठ्ठल काळे यांची १० विरुद्ध ५ मतांनी निवड झाली आहे. सांगवी ग्रामपंचायतीवर २० वर्षांनंतर राष्ट्रवादीचा झेंडा फडकल्याने उपस्थित समर्थकांनी एकच जल्लोष केला.
नुकत्याच झालेल्या पंचवार्षिक निवडणुकीत राष्ट्रवादी काँग्रेस पुरस्कृत श्री भैरवनाथ ग्रामविकास पॅनेलचे दहा तर चंद्रराव तावरे यांच्या श्री भैरवनाथ पॅनेलचे पाच सदस्य विजयी झाले होते. बुधवारी (दि. २४) सरपंचपदासाठी राष्ट्रवादीचे चंद्रकांत तावरे यांनी सरपंचपदासाठी व उपसरपंचपदासाठी अनिल काळे यांनी, तसेच चंद्रराव तावरे गटातून अनिल पद्मसिंह तावरे यांनी सरपंचपदासाठी व
उपसरपंचपदासाठी सिद्धार्थ भानुदास जगताप यांनी उमेदवारी अर्ज दाखल केले होते. गुप्त मतदानात चंद्रकांत तावरे व अनिल काळे यांना प्रत्येकी १० व अनिल तावरे व सिद्धार्थ जगताप यांना प्रत्येकी ५ मते मिळाली. त्यामुळे चंद्रकांत तावरे यांची सरपंचपदी व उपसरपंचपदी अनिल काळे यांची निवड झाल्याचे निवडणूक निर्णय अधिकारी विक्रम गायकवाड, ग्रामविकास अधिकारी रमेश पवार व तलाठी भगत यांनी जाहीर केले.

 निवडीनंतर ढोल-ताशांचा गजर करून फटाक्यांच्या आतषबाजीत गुलालाची उधळण करीत समर्थकांनी जल्लोष केला.