वीज बिलाच्या माफीसाठी बारामतीत भाजप कार्यकर्त्यांचे उपमुख्यमंत्री अजित पवार यांच्या घरासमोर आंदोलन..

वीज बिलाच्या माफीसाठी बारामतीत भाजप कार्यकर्त्यांचे उपमुख्यमंत्री अजित पवार यांच्या घरासमोर आंदोलन..

महावितरणच्या मुख्य कार्यालयासमोर या कार्यकर्त्यांनी बोंबाबोंब जोरदार केली.

बारामती वार्तापत्र

वीज बिलाच्या वसुलीसाठी शेतकऱ्यांचा वीज पुरवठा खंडीत करण्याच्या राज्य सरकारच्या धोरणाविरोधात तसेच राष्ट्रवादीचे मंत्री नवाब मलिक यांच्या राजीनाम्याच्या मागणीसाठी भाजप कार्यकर्त्यांनी आज बारामतीत भाजप पदाधिकारी आणि कार्यकर्त्यांनी शहरातील भाजप कार्यालयापासून ढोल वाजवत मोर्चा उपमुख्यमंत्री अजित पवार यांच्या घरासमोर, तसेच महावितरणच्या मुख्य कार्यालयासमोर काढत आंदोलन केलेय या दरम्यान राज्य सरकारचा निषेध केला.

वीज बिले भरली नसल्याने शेतकऱ्यांची वीज पुरवठा खंडित करण्याचा सपाटा महावितरणच्या अधिकाऱ्यांनी लावल्याने शेतकरी संतप्त झाले आहेत. या विरोधात आज राज्यभर भाजपच्या वतीने विविध ठिकाणी आंदोलने करण्यात येत आहेत.

बारामती देखील उपमुख्यमंत्री अजित पवार यांच्या निवासस्थानासमोर राज्य सरकारच्या विरोधात भाजप कार्यकर्त्यांनी जोरदार घोषणाबाजी केली. त्यानंतर महावितरणच्या मुख्य कार्यालयासमोर या कार्यकर्त्यांनी बोंबाबोंब करत वीज बिले माफ करण्याची मागणी केली.

यावेळी शेतकऱ्यांचे वीज बिल माफ करुन वीज पुरवठा पूर्ववत करावा अन्यथा भाजपच्या वतीने तीव्र स्वरूपाचे आंदोलन केले जाईल असा इशारा बारामती तालुका अध्यक्ष पांडुरंग कचरे यांनी दिलाय.

यावेळी भाजपाचे पुणे जिल्हा उपाध्यक्ष गोविंद देवकाते, पुणे जिल्हा सरचिटणीस अविनाश मोटे, तालुकाध्यक्ष पांडुरंग कचरे, शहराध्यक्ष सतीश फाळके, शहर उपाध्यक्ष सुधाकर पांढरे, भाजपा युवा चिटणीस अभिजित देवकाते, विजयकुमार देवकाते, मोहन सांगळे, रमेश कांबळे, धनंजय गवारे, पोपट खैरे आदी पदाधिकारी व कार्यकर्ते उपस्थित होते.