शेतकऱ्यांना मार्गदर्शनाचा नवा अध्यायः निर्यातक्षम शेतीची नवी दिशा

शेतकऱ्यांना मार्गदर्शनाचा नवा अध्यायः निर्यातक्षम शेतीची नवी दिशा

कार्यक्रमात १५० जास्त शेतकरी सहभाग नोंदीला.

बारामती वार्तापत्र 

कृषी विज्ञान केंद्र, बारामती व कृषी उत्पादने निर्यात विकास प्राधिकरण (APEDA) मुंबई यांच्या संयुक्त विद्यमाने शेतकरी बांधवांसाठी ऑनलाईन प्रशिक्षण कार्यक्रम राबविण्यात आला.

या प्रशिक्षणाचा मुख्य उद्देश शेतकऱ्यांना जागतिक बाजारपेठेतील संधी, गुणवत्ता मानके व आवश्यक कागदपत्रे व निर्यातीची संपूर्ण प्रक्रिया समजावून सांगणे हा होता. यामुळे महाराष्ट्रातील शेतकरी जागतिक स्तरावर स्पर्धा करू शकतील.

या प्रशिक्षणामध्ये सुरुवातीला श्री यशवंत जगदाळे प्रकल्प प्रमुख, भाजीपाला गुणवत्ता केंद्र, बारामती यांनी निर्यातीसाठी फळे व भाजीपाला उत्पादन विषमुक्त करताना काय काळजी घेतली पाहिजे व उत्तम कृषी पद्धतीची माहिती दिली.

श्री पी. ए. बामणे, वरिष्ठ सहाय्यक व्यवस्थापक, APEDA, मुंबई यांनी उपस्थित शेतकरी बांधवांना निर्यातीसाठी लागणारी सर्व प्रमाणपत्रे, शेतीमाल गुणवत्ता व्यवस्थापन व APEDA च्या ज्या काही निर्यासंबंधी योजना आहेत याची सविस्तर माहिती दिली. या कार्यक्रमात १५० जास्त शेतकरी सहभाग नोंदीला व शेवटी उपस्थित शेतकरी बांधवांचे आभार सौ. सुनिता सावंत, सहाय्यक व्यवस्थापक, APEDA, मुंबई यांनी मानले.